މިރޭ 8 ގެ ފަހުން ފިހާރަތައް ހުޅުވުމަށް ސްޓެއާރިން ކޮމެޓީން ނިންމައިފި

Apr 5, 2015

މިރޭ 8 ގެ ފަހުން ފިހާރަތަކާއި ރެސްޓޯރެންޓްތައް ހުޅުވުމަށް އިހްތިޖާޖްކުރަމުން ދިޔަ ވިޔަފާރިވެރިން ނިންމައިފި އެވެ.

” ކުޅުދުއްފުށި އޮންލައިނާ” ވާހަކަ ދައްކަވަމުން އާދަމް ޝަރީފް ވިދާޅުވީ މިރޭ ރަސްމީކޮށް ހުރިހާ ވިޔަފާރިތަކެއް ހުޅުވާނެ ކަމަށާއި ދެން އެއްވެސް ފިހާރައެއް އިހުތިޖާޖްކުރުމުގެ ގޮތުން ބަންދު ނުކުރާނެ ކަމަށެވެ.

އޭނާ ވިދާޅުވީ މިހާތަނަށް ކޮމެޓީން ކުރި މަސައްކަތުން ކުޅުދުއްފުށީ ދެކުނު ދާއިރާގެ މެންބަރު މުހައްމަދު ނަޝީދު މެދުވެރިކޮށް އިކްނޮމިކް މިނިސްޓްރީގައި މާދަމާ ބައްދަލު ވުމެއް އޮންނާނެ ކަމަށާއި މި ބައްދަލުވުމުގައި ގޮތެއް ނިމިގެންދާނެ ކަމަށެވެ. އަދި ރައީސް އޮފީހުގެ ފަރާތުން ވެސް ނިއުސް ކޮންފަރެންސަކަށް އެދިފަވާނޭކަމަށް ވެސް އާދަމް ޝަރީފް ވިދާޅުވި އެވެ.

އަދި ރައީސް ޔާމިނަށް ރައްޔިތުންގެ އަޑު ނީވޭ ކަމަށް ހައްދަވައިގެން ހުއްޓަސް މިހާރު ވަނީ ރައްޔިތުންގެ އަޑު އިވިފައިކަށާއި މިކަމަށް އަވަސް ޖަވާބެ ލިބޭނެ ކަމަށް އުންމީދު ކުރާކަމަށްވެސް އާދަމަ ޝަރީފް ވިދާޅުވި އެވެ.

ވިޔަފާރިތައް ބަންދުކޮށް ސަބްސިޑީ ގެ މައްސަލަގައި އިހްތިޖާޖް ކުރުމަށް ވިޔަފާރިވެރިން ނިންމީ ކަރަންޓް ސަބްސިޑީ ކަނޑާލުމުން އެކަމާ ކަންބޮޑުވުން ފާޅުކޮށް ރައީސް ޔާމީނަށް ކުޅުދުއްފުށީގެ ވިޔަފާރިވެރިން ފޮނުވި ސިޓީއަށް ސަރުކާރުން މިހާތަނަށް އެއްވެސް ޖަވާބެއް ދީފައި ނުވާތީ، ކުޅުދުއްފުށީގެ ރައްޔިތުންގެ ހިޔާލް ހޯދުމަށް ރޭ ހުކުރު މިސްކިތް ކައިރީގައި ބޭއްވި ބައްދަލުވުމުގަ އެވެ.

މިލިޔުމާއި ގުޅޭ