އައިޕީއެސްއިން މަސައްކަތު ދުވަހެއް ފާހަގަކޮށް 60 ހާހަށްވުރެ ގިނަ ރުފިޔާ ހޯދައިފި

Apr 12, 2015

ކުޅުދުއްފުށީ އިރުމަތި އަވަށު ޕްރީސްކޫލުން މަސައްކަތު ދުވަހެއް ފާހަގަކޮށް 60 ހާހަށްވުރެ ގިނަ ރުފިޔާ ހޯދައިފިއެވެ.

އެ ސްކޫލުން މައުލޫމާތުދިން ގޮތުގައި އިއްޔެ ކުރިއަށްދިޔަ މި މަސައްކަތު ދުވަހުން ޖުމްލަ ފަސްދޮޅަސް އެއްހާސް ހަތަރު ސަތޭކަ ފަސްދޮޅަސް އަށް ރުފިޔާ ލިބިފައިވެއެވެ.

10 ގުރޫޕަކަށް ބަހައިލައިގެން ކުޅުދުއްފުށީގެ ގޭބިސީތަކަށް ގޮސް މަސައްކަތްކޮށްގެން ރުފިޔާ ހޯދާފައިވާއިރު މި ހަރަކާތަށް ސްކޫލްގެ ބެލެނިވެރިންގެ ބޮޑު އެއްބާރުލުމެއް ވަނީ ލިބިފައެވެ.

މި މަސައްކަތު ދުވަހުގައި މަސައްކަތްކޮށްގެން 47،273 ރުފިޔާ ލިބުނުއިރު ބާކީވާ 14،195 ރުފިޔާއަކީ ބެލެނިވެރިން ހަދިޔާކޮށްފައިވާ ރުފިޔާއެވެ.

މިލިޔުމާއި ގުޅޭ