އަނެއްކާވެސް ރާޒީގެ އިތުބާރު ނެތް ކަމަށް ފާސްކޮށްފި

Apr 19, 2015

ހަނިމާދޫ ކައުންސިލްގެ ރައީސް މުހައްމަދު ރާޒީގެ އިތުބާރު ނެތް ކަމަށް އެކައުންސިލުން އަނެއްކާ ވެސް ފާސްކޮށް އޭނާ މަގާމުން ދުރުކޮށްފި އެވެ.

ރާޒީގެ އިތުބާރު ނެތްކަމަށް މިދިޔަ އަހަރުގެ އޯގަސްޓް މަހުވެސް ކައުންސިލުން ވަނީ ފާސްކޮށްފައިވެ އެވެ. ނަމަވެސް ރާޒީގެ މައްޗަށް އިތުބާރުނެތް ކަމުގެ ވޯޓް އެފަހަރު ނަގާފައިވަނީ، ވޯޓް ނެގުމާގުޅޭ ގޮތުން އަމަލު ކުރަންޖެހޭ ގޮތްތާއި ޚިލާފަށް ކަމަށް ބުނެ އެލްޖީއޭ އިންވަނީ އެ ނިންމުން ބާތިލްކޮށްފަ

އެވެ.

ރާޒީގެ އިތުބާރު ނެތްކަމަށް ފާސްކޮށްފައިވަނީ މިދިޔަ ހަފްތާ ބުދަ ދުވަހު އެކައުންސިލްގެ އާންމު ބައްދަލުވުމުގަ އެވެ. 4 މެމްބަރުން ބައިވެރިވި މި ބައްދަލުވުމުގައި ރާޒީގެ އިތުބާރު ނެތްކަމަށް 3 މެމްބަރުން ވޯޓް ދެއްވާފައިވެ އެވެ. އެ ބައްދަލުވުމުގައި ބައިވެރި ނުވަނީ ޕީޕީއެމްގެ މެމްބަރު ހަސަން ޖައުފަރެވެ.

ރާޒީއަކީ މިނިވަން ކެނޑިޑޭޓެއްގެ ގޮތުގައި ހޮވުނު ނަމަވެސް އޭނާ ދާދި ފަހުން ވަނީ ޕީޕީއެމްއާ ގުޅިފަކަމަށް އެރަށުން ވާހަކަ ދެއްކި މީހުން ބުންޏެވެ. ރާޒީގެ އިތުރުން އެކައުންސިލްގައި ހިމެނެނީ އެމް.ޑީ.ޕީ މެމްބަރަކާއި ޖުމްހޫރީ ޕާޓީގެ މެމްބަރަކާއި ޕީޕީއެމް މެމްބަރެއް އަދި އަދާލަތު ޕާޓީގެ މެމްބަރެކެވެ.

މިލިޔުމާއި ގުޅޭ