ލިކުއިޑް ސޯލްޓް ޑައިވިން ކްލަބްގެ ފަރާތުން ކުޅުދުއްފުށީގައި ޑައިވިން ދަސްކޮށްދޭ 2 ކޯހެއް ފަށަން ހަމަޖެހިއްޖެ އެވެ.
“ކުޅުދުއްފުށީ އޮންލައިނަށް” މައުލޫމާތު ދެއްވަމުން ކޯސް ހިންގުމާއި ހަވާލުވެ ހުންނެވި އިސްމާއިލް މާހިރު ވިދާޅުވީ ކުޅުދުއްފުށީގައި ހިންގުމަށް ހަމަޖެހިފައިވާ 2 ކޯހަކީ އޯޕަން ވޯޓާރ ކޯހަކާއި އެޑްވާންސް އޯޕަން ވޯޓާރ ކޯހެއް ކަމަށެވެ. އޯޕަން ވޯޓާރ ކޯސް 4 ދުވަހަށް ކުރިއަށް ގެންދާއިރު އެޑްވާންސް އޯޕަން ވޯޓާރ ކޯސް ކުރިއަށް ގެންދާނީ 2-3 ދުވަހަށް ކަމަށް މާހިރު ވިދާޅުވި އެވެ
ކުޅުދުއްފުށީ ސަރަހައްދީ ބަނދަރުގެ ކައިރީގައި އޮންނަ މޫދަށް އެރޭ ސަރަހައްދާއި ކުޅުދުއްފުށީ ބޮޑު ތިލައާއި ކުޑަ ތިލައިގެ އިތުރުން ހައުސް ރީފްގައި ކޯހުގެ އެކްޓިވީޓީސްތައް ކުރިއަށް ގެންދަން ހަމަޖެހިފައި ވާއިރު ތިއަރީ ކުލާސްތައް ނަގަން ހަމަޖެހިފައިވަނީ ކުޅުދުއްފުށީ ރަށްވެހިގޭގަ ކަމަށް މާހިރު ވިދާޅުވި އެވެ.
ކޯސްތަކުގައި ބައިވެރިވުމަށް އެދޭ ފަރާތްތަކަށް 7743923 ގުޅުއްވައިގެން ނަން ނޯޓް ކުރުމުގެ ފުރުސަތު މިހާރުވަނީ ހުޅުވާލާފަ އެވެ. ކޯސްތައް ފެށުމަށް ހަމަޖެހިފަވަނީ މިއަންނަ މަހު 5 ވަނަ ދުވަހު އެވެ. އަދި މިކޯހުގައި ކިޔަވައިދެއްވުމަށް ހަމަޖެހިފައި ވަނީ ކުޅުދުއްފުށިގެ އިންސްޓަކުޓަރެއްކެވެ.
މާހިރު އިތުރަށް ވިދާޅުވީ ކޯސް ކުރިއަށް ގެންދިއުމަށް ހަމަޖެހިފައިވަނީ އެއް ކޯހުގައި ނަމަވެސް މަދުވެގެން 11 ދަރިވަރުން ބައިވެރިވެގެންނެވެ.
ކުޅުދުއްފުށީގައި ބާއްވާ ހިޔަލަ މައުރަޒު މާދަމާ ހުޅުވާލާނެ
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
