ދިއްދޫގައި އިމާރާތް ކޮށްފައިވާ ރޯހައުސްތަކަށް ކުރިމަތި ލުމުގެ ފުުރުސަތު ހުޅުވާލައިފި

ހދ ދިއްދޫގައި އިމާރާތްކޮށްފައި ހުރި ހައުސިން ޔުނިޓްތަކަށް ކުރިމަތިލުމުގެ ފުރުސަތު މިދިޔަ އާދިއްތަ ދުވަހު ކައުންސިލުން ހުޅުވާލައިފި އެވެ.

ޖުލައި 20 ވަނަ ދުވަހާއި ހަމަޔަށް ހައުސިން ޔުނިޓްތަކަށް އެދި ފޯމް ހުށައެޅުމުގެ ފުރުސަތު ހުޅުވާލާފައިވާއިރު އެރަށުގައި އިމާރަތް ކޮށްފައިވާ 250 ޔުނިޓް ގެ ތެެރެއިން ފޯމް ލުމުގެ ފުރުސަތު ހުޅުވާލާފައިވަނީ 140 ޔުނިޓަށެެވެ.

އެގޮތުން 15 ޔުނިޓް ހާއްސަކޮށްފައިވަނީ ރަށުން ބޭރުން ދިއްދުއަށް ހިޖުރަން ކުރަން ބޭނުންވާ ފަރާތަކަށެވެ. އަދި 125 ޔުނިޓަށް ފޯމް ލުމުގެ ފުރުސަތު ހުޅުވާލެވިފައިވަނީ ދިއްދޫގެ ރައްޔިތުންނަށެވެ.

ފުލެޓްތަކުގެ ޑައުން ޕޭމެންޓެއްގެ ގޮތުގައި ފުރަތަމަ 19،000 ރުފިޔާ ދައްކަންޖެހޭއިރު 20 އަހަރު ވަންދެން މަހަކު 2500 ދައްކަންޖެހެ އެވެ.