ކުޅުދުއްފުށީ ކައުންސިލުން ކުޅުދުއްފުށީ އުތުރުކޮޅުގައި އަޅަން ނިންމާފައިވާ ވަގުތީ މަސްމާރުކޭޓްގެ އިމާރާތްކުރުމަށް 5 ފަރާތްތަކުން ޝައުގުވެރިކަން ފާޅުކޮށްފި އެވެ.
ކައުންސިލްގެ ރައީސް އަލީ މުހައްމަދު ވިދާޅުވީ މަސްމާރުކޭޓް އެޅުމަށް ފަރާތެއް ހޯދުމަށް ކުރި އިއުލާނުގެ މުއްދަތު މިދިޔަ ހަފްތާ ތެރޭގައި ހަމަވިިއިރު ފަސް ފަރާތަކުން ޝައުގުވެރިކަން ފާޅުކޮށްފައިވާ ކަމަށެވެ.
އެހެން ނަމަވެސް އެއީ ކޮން ފަރާތްތަކެއް ކަން އޭނާ ހާމަކޮށްފައެއް ނުވެ އެވެ. އޭނާ ވިދާޅުވީ ބިޑް ކޮމެޓީން ބެލުމަށްފަހު އެންމެ ރަގަޅު ހުށަހެޅުމެއް ހުށަހެޅި ފަރާތަކާ މިހަފްތާ ތެރޭގެ މަސަކަތް ހަވާލުކުރެވޭނެ ކަމަށެވެ.
ކުޅުދުއްފުށީ އޮންލައިނަށް މައުލޫމަތު ދެއްވަމުން އަލީ މުހައްމަދު ވިދާޅުވީ ރޯދަމަސް އަންނަން ވާއިރަށް މަސް މާރުކޭޓްގެ މަސައްކަތް ނިންމާލުމަކީ ” ބޮޑު އަމާޒެއް” ކަމަށެވެ.
މަސް މާރުކޭޓް އެޅުމަށް ހަމަޖެހިފަވަނީ މިހާރުވެސް މަސްވެރިންނަށް ހާއްސަކުރެވިފައިވާ ސަރަހައްދުގައި އެވެ.މިއީ ވަގުތީ މަސް މާރުކޭޓެއް ނަމަވެސް މަސްމާރުކޭޓް އެޅުމަށް ހަމަޖެހިފައިވަނީ ރީތިކޮށް މުށިޖަހާ މަސްކެޑުމަށް ފަސޭހަވާނެހެން ފެން އިސްކުރު ހަރުކޮށްގެނެވެެ.
ރައްޔިތުންގެ މާލިއްޔާއިން ހަރަދުކޮށްގެން އެޅުމަށް ހަމަޖެހިފައިވަ މިމަސްމާރުކޭޓަށް ގާތްގަނޑަކަށް 3 ލައްކަ އާއި 4 ލައްކާއިގެ ރުފިޔާގެ އަދަދެއް ހަރަދުވެގެން ދާނެކަމަށް ކައުންސިލުން ބުނެ އެވެ.
ކުޅުދުއްފުށީގައި ބާއްވާ ހިޔަލަ މައުރަޒު މާދަމާ ހުޅުވާލާނެ
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
