ނަޒާހަތްތެރިކަމުގެ ބިނާއަށް ސްޕްރޭ ޖަހައި ހަޑިކޮށް، އެތަނަށް ގެއްލުންދީފި

Apr 30, 2015

އެންޓި-ކޮރަޕްޝަން ދުވަސް ފާހަގަ ކުރުމުގެ ގޮތުން އެންޓި-ކޮރަޕްޝަން ކޮމިޝަނުގެ ފަރާތުން ކުޅުދުއްފުށީ އުތުރު ބަނދަރުގައި ހެދި ނަޒާހަތްތެރިކަމުގެ ބިނާއަށް ސްޕްރޭ ޖަހާ އެތަން ހަޑިކޮށް، ގެއްލުންދީފި އެވެ.

އާދިއްތަ ދުވަހުގެ ރޭ އެތަނުގައި ކަޅުކުލައިގެ ސްޕްރޭއިން “ކޮބާ އެއާޕޯޓް” ލިޔެ އެބިނާ ވަނީ ހަޑިކޮށްލާފަ އެވެ. އަދި އެބިނާގައި ޖަހާފައި ހުރި 2015 ގެ ތެރެއިން 2 އެއް ވަނީ ނައްޓާލައި ގެއްލުންދީފަ އެވެ.

ބިނާ ހުޅުވިފަހުން އަދި ހަފްތާއެއް ނުވާއިރު މިބިނާ ހުޅުވުމުގެ ރަސްމިއްޔާތުގައި ވާހަކަދައްކަވަމުން އޭސީސީގެ ރައީސް ހަސަން ލުތުފީ ވިދާޅުވެފައިވަނީ ކުޅުދުއްފުށީގައި ބިނާ ހެދުމުގެ ބޭނުމަކީ އުތުރުގެ ގިނަ ރައްޔިތުންތަކެއް ކޮންމެ ދުވަހަކު ކުޅުދުއްފުއްޓަށް އައިސް ގޮސް އުޅޭތީ ކަމަށެވެ. އަދި ބިނާ ފެންނަ ކޮންމެ ފަހަރަކު ނަޒާހަތްތެރިވުމަށް ހަނދާވާނެ ކަމަށެވެ.

ކައުންސިލްގެ ނައިބް ރައީސް މުހައްމަދު އައިމަން މިކަމާ ގުޅިގެން ވިދާޅުވީ މިއީ ވަރަށް ދަށު ދަރަޖައިގެން އަމަލެއް ކަމަށާއީ އެމަކާ ހިތާމަކުރައްވާ ކަމަށެވެ.އަދި ކުރިއަށް އޮތްތަނުގައި އެފަދަ ދަށު ދަރަޖައިގެ ކަންކަން ހުއްޓޭނެ ކަމަށް އުއްމީދު ކުރައްވާކަމަށް އޭނާ ވިދާޅުވި އެވެ.

އޭނާ ވިދާޅުވީ އޭސީސީއަށް އެކަން އަންގާފައިވާނެ ކަމަށާއި އެފަރާތާ ގުޅިގެން އަވަސް ތާރިހެއްގައި އެބިނާ އަލުން ރީތިކުރާނެ ކަމަށެވެ.

މިލިޔުމާއި ގުޅޭ