ގިނަ ބައެއްގެ އެދުމުގެ މަތިން ޑައިވިން ކޯސް ފަސްކޮށްފި

Apr 29, 2015

ގިނަ ބައެއްގެ އެދުމުގެ މަތިން މި އަންނަ މެއި މަހު ކުޅުދުއްފުށީގައި ފެށުމަށް ހަމަޖެހިފައިވާ ޑައިވިން ކޯސް ފަސްކޮށްފި އެވެ.

ކޯސް ހިންގެވުމާއި ހަވާލުވެ ހުންނެވި އިސްމާއިލް މާހިރު ވިދާޅުވީ އަލުން ކޯސް ފެށުމަށް ހަމަޖެހިފައިވަނީ ޑިސެންބަރ މަސްތެރޭގައި ކަމަށާއި ކުރީގެ ކޯސްތަކަށްވުރެ މިފަހަރުގެ ކޯހުގެ އަގު ހެޔޮވާނެ ކަމަށެވެ.

އޭގެ އިތުރުން މާހިރު ވިދާޅުވީ ކޯސް އަލުން ފެށާނެ ވަކި ތާރީހެއް އަދި ނޭނގޭ ކަމަށާއި ކޯސް އިއުލާން ކުރުމާއި އެކު ބައިވެރިވުމުގެ ފުރުސަތު ހުޅުވާލާނެ ކަމަށެވެ.

އެގޮތުން ކުޅުދުއްފުށީގައި ހިންގުމަށް ހަމަޖެހިފައިވާ 2 ކޯހަކީ އޯޕަން ވޯޓާރ ކޯހަކާއި އެޑްވާންސް އޯޕަން ވޯޓާރ ކޯހެކެވެ.

މިދިޔަ އަހަރުވެސް ވަނީ ކޯހަކީ އޯޕަން ވޯޓާރ ކޯހަކާއި އެޑްވާންސް އޯޕަން ވޯޓާރ ކޯހެއް ކުޅުދުއްފުށީގައި ކަމިޔާބު ކަމާއި އެކު ނިންމާލާފަ އެވެ.

މިލިޔުމާއި ގުޅޭ