ޖޫން މަހު ށ. އަތޮޅުގައި އީ-ލާނިން ތައާރަފް ކުރެވިގެންދާނެ: ސީއެސްޓީއައި

އަންނަ ޖޫންމަހުގެ ތެރޭގައި ށ. އަތޮޅުގައި އީ-ލާނިން ތައާރަފް ކުރެވިގެންދާނެ ކަމަށް ސިވިލް ސާރވިސް ޓްރޭނިންގ އިންސްޓިޓިއުޝަންގެ އެކްޓިން މެނޭޖަރ ފާތުމަތު ހަބީބާ ވިދާޅުވެއްޖެ އެވެ.

ހދ. އަތޮޅު ކައުންސިލާއި ސިވިސް ސާރވިސް އިންސްޓިޓިއުޝަނާ ގުޅިގެން ބުރާސްފަތި ދުވަހު ފެށި “ތިލަދެކުނު އާރޯ” ޕްރޮގުރާމް ފެށުމުގެ ރަސްމިއްޔާތުގައި ވާހަކަ ދައްކަވަމުން ހަބީބާ ވިދާޅުވީ ” އިރާދަކުރެއްވިއްޔާ މިއަންނަ ޖޫން މަހުގެ ތެރޭގައި ށ. އަތޮޅުގައި އީ-ލާނިން އިފްތިތާހް ކުރެވިގެންދާނެ” ކަމަށެވެ.

މިރަސްމިއްޔާތުގައި ވާހަކަދައްކަވަމުން އޭނާ ވިދާޅުވީ މި ސީއެސްޓީއައިއިން ސިވިލް ސާރވިސް މުވައްޒަފުންނަށް ބޭނުންވާ ކުރު މުއްދަތުގެ ކޯސްތައް މާލެ އާއި އަތޮޅުތެރޭގައި ހިންގުމަށް މިއަހަރުވެސް ހަމަޖެހިފައިވާ ކަމަށެވެ. އަދި މިއީން ކޮންމެ ޕްރޮގުރާމަކީ ސްޓަޑީތަކެއް ކުރެވި،ރޭވިފައިވާ ޕްރޮގުރާމްތަކެއްކަމުން މުވައްޒަފަށް ލިބޭ ޓްރެއިންގ ތަކަކީ ސީދާ މުވައްޒަފަށް ހާއްސަ ޓުރެއިންގ ތަކަކަށް ވެގެންދާނެ ކަމަށް ހަބީބީ ފާހަގަކުރެއްވި އެވެ.

އޭނާ ވިދާޅުވީ މިއަހަރުގެ މިހާތަނަށް ސީއެސްޓީއައިގެ ފަރާތުން 71 ޕްރޮގުރާމެއް މާލެ އާއި އަތޮޅުތެރޭގައި ހިންގާފައިވާ ކަމަށެވެ. އަދި މިފަދަ ކޯސްތަކުގެ ހިންގުމުގެ މަގްސަދަކީ ސިވިލް ސާވަންޓުގެ މަސައްކަތްތައް މިހާރަށްވުރެ އަލުވިކޮށް ޒަމާނީ ވަސީލަތްތަކަށް އަހުލުވެރިކޮށް، ގާބިލުބަޔަކަށް ހެދުންކަމަށް ހަބީބާ ވިދާޅުވިއެވެ.

ބުރާސްފަތި ދުވަހު ކުޅުދުއްފުށީގައި ފެށި ޑިޕޮލޮމާއިން ޕަބްލިކް އެޑްމިނިސްޓްރޭޝަން އެންޑް މެނޭޖްމެންޓް ކޯހަކީ އަލަށް އެފަރާތުން ކުޅުދުއްފުށީގައި ފެށި ކޯހެކެވެ. މިކޯސްތައް ހދ އަތޮޅަށް ގެނައުމުގައި ހދ އަތޮޅު ކައުންސިލުން ކޮށްފައިވާ މަސައްކަތްތަކަށް ސީއެސްޓީއައިން ވަނީ ޝުކުރުއަދާކުރައްވާފަ އެވެ.