ކުޅުދުއްފުށީގައި ބޭއްވުމަށް ހަމަޖެހިފައިވާ 20 ވަނަ އެޓޯލް އިންޓަރ ސްކޫލް އެތްލެޓިކްސް މީޓްގައި 15 ސްކޫލަކުން ބައިވެރިވެއްޖެ އެވެ.
އެތްލެޓިކްސް އެސޯސިއެޝަންގެ ޖެނެރަލް ސެކްޓެރީ އަހުމަދު މުއްތަގިމް ވިދާޅުވީ މުއްދަތު ހަމަވުމުގެ ކުރިން ބައިވެރިފައިވާ ސްކޫލްތަކަކީ ހއ. ވަށަފަރު ސްކޫލާއި ހދ. ކުރިނބީ ސްކޫލް، ހދ. މަކުނުދޫ ސްކޫލާއި ޖަލާލުއްދީން ސްކޫލާއި އަފީފުއްދީން ސްކޫލާއި ހދ. އަތޮޅު ތައުލީމީ މަރުކަޒާއި ށ. ފުނަދޫ ސްކޫލާއި ށ. މިލަންދޫ ސްކޫލްގެ އިތުރުން ނ. ހޮޅުދޫ މޭނާ ސްކޫލާއި ޅ. ނައިފަރު މަދުރަސަތުލް އިފްތިތާޙާއި އިސްކަންދަރު ސްކޫލާއި ބިލަބޮންގ ހައި އިންޓަރނޭޝަނަލް ސްކޫލާއި ކަލާފާން ސްކޫލާއި ގދ. މަޑަވެލި ސްކޫލާއި އަދި ޏ. އަތޮޅު ތައުލީމީ މަރުކަޒު ކަމަށެވެ.
މިމުބާރާތް ބަހާލެވިފައިވަނީ 4 އުމުރު ފުރާއަކަށް ކަމަށާއި އެ އުމުރު ފުރާތަކަކީ 11 އަހަރުން ދަށް، 13 އަހަރުން ދަށް، 15 އަހަރުން ދަށް އަދި 17 އަހަރުން ދަށްކަމަށް މުއްތަގިމް ވިދާޅުވި އެެވެ.
މި މުބާރާތް ކުރިއަށް ދާނީ 4 ދުވަހުގެ މުއްދަތަށް އަންނަ ޖޫން މަހު 8 ން 11 އަށް ކުޅުދުއްފުށީ ޒޯން ސްޓޭޑިއަމްގަ އެވެ.
ކުޅުދުއްފުށީގައި ބާއްވާ ހިޔަލަ މައުރަޒު މާދަމާ ހުޅުވާލާނެ
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
