ކުޅުދުއްފުށިގައި އިމިގްރޭޝަން އޮފީހެއް އެޅުމަށް ބިން ދޫކޮށްފި

ޑިޕާޓްމަންޓް އޮފް އިމިގްރޭޝަން އެންޑް އެމިގްރޭޝަންގެ އޮފީހެއް އެޅުމަށްޓަކައި ކުޅުދުއްފުށިން ބިމެއް ދޫކޮށްފިއެވެ.

ސަރުކާރުގެ މުއައްސަސާތަކުން ފޯރުކޮށްދޭ ހިދުމަތްތައް ވީހާ ވެސް ލުއިފަސޭހަކޮށް އަދި ރައްޔިތުންނާ ގާތުން ފޯރު ކޮށްދިނުމަށް ސަރުކާރުން ކަނޑައަޅާފައިވާ ސިޔާސަތުގެ ދަށުން، ކުޅުދުއްފުށީގައި އިމިގްރޭޝަންގެ ނޮދަން ރީޖަނަލް އޮފީސް ގާއިމްކުރުމަށް ކަނޑައަޅާފައިވާ ބިމަކީ 4500 އަކަފޫޓުގެ ބިމެކެވެ.

ކައުންސިލުން އިމިގްރޭޝަނަށް ދޫކޮށްފައިވަނީ ހދ. އަތޮޅު ކައުންސިލް ކައުންސިލް އިދާރާގެ އިރުމަތިން އޮންނަ ހުސް ބިމެވެ.

އިމިގުރޭޝަންގެ އޮފީސް އެޅުމަށް ކައުންސިލުން ދޫކޮށްފައިވާ ހުސް ބިން–

މި އިމާރާތް އެޅުމުން ދިވެހި ޕާސްޕޯޓް ކުޅުދުއްފުށީގައި ޕްރިންޓްކޮށް ޕާސްޕޯޓް ލިބުމުގައި ހޭދަވާ ތިންދުވަސް އެއްދުވަހަށް ބަދަލުވެގެންދާނެ ކަމަށް އިމިގްރޭޝަނުން މައުލޫމާތު ދެއެވެ.

ކުޅުދުއްފުއްޓާ އެއްގޮތަށް އައްޑޫ ސިޓީގައިވެސް އިމިގްރޭޝަން ރީޖަނަލް އޮފީސް ގާއިމްކުރުމަށް ހަމަޖެހިފައިވާއިރު ރީޖަނަލް އޮފީސް އިމާރާތް ކުރުމަށް ބޭނުންވާ ފައިސާ މިހާރު ފިނޭންސް މިނިސްޓްރީން ހަމަޖައްސައިދީފައިވާ ކަމަށް ވެސް އިމިގްރޭޝަނުން މައުލޫމާތު ދެއެވެ.