އައިހެވެންގެ ސާވޭ އެއްބަސް ވުމުގައި މި ހަފްތާ ތެރޭ ސޮއި ކުރެވޭނެ: މިނިސްޓަރ

އައިހެވެންގެ ސާވޭ ހެދުމުގެ އެއްބަސްވުމުގައި މިހަފްތާ ތެރޭ ސޮއި ކުރެވޭނެ ކަމަށް އިކްނޮމިކް މިނިސްޓަރ މުހައްމަދު ސައީދު ވިދާޅުވެއްޖެ އެެވެ.

ޕަބްލިކް ސާވިސް މީޑިއާ (ޕީއެސްއެމް) މައުލޫމާތު ދެއްވަމުން ސައީދު ވިދާޅުވީ އައިހެވަންގެ ސާވޭ ހެދުމުގެ އެއްބަސްވުމުގައި މިހަފްތާގެ ތެރޭގައި ސޮއިކުރެވި ސާވޭގެ މަސައްކަތް ދެހަފްތާގެ ތެރޭގައި ފަށައިގަނެވޭނެ ކަމަށެވެ. މަސަކަތް ހަވާލުކޮށްފައިވަނީ ކޮންސަލްޓިން ފާމް ކަމަށްވާ އެމެރިކާގެ ބޮސްޓަން ކޮންސަލްޓިން އެވެ.

ބޮސްޓަން ކޮންސަލްޓިން ހަދައި ދިރާސާތަކުގެ ތެރޭގައި ހައިހެވަން މަޝްރޫއުއަކީ ފައިނޭންޝަލް އަދި ޓެކްނިކަލް ފީސިބިލީގެ މަސައްކަތްތަކެއްތޯ ބަލާނެކަމަށާއި އަދި އިހަވަންދިއްޕޮޅަކީ އިންވެސްޓަރުން އިންވެސްޓްކުރުމަށް ކިހާ ޝައުގުވެރި ތަނެއްތޯ ދިރާސާކުރާނެކަމަށް ސައީދު ވިދާޅުވި އެވެ.

އޭގެއިތުރުން އިހަވަންދިއްޕޮޅުގައި އެންމެ އެކަށީގެންވަނީ ކޮންކަހަލަ މަޝްރޫއުތަކެއްތޯވެސް ބަލައި ޓެކްނިކަލް ފީސިބިލިޓީގައި ހިމެނޭ ކަންކަމުގެ ތެރޭގައި އެސަރަހައްދުގެ ފުންމިނާ އެތަން އުފެދިފައިވާ ގޮތް ދިރާސާކުރުމުގެ އިތުރުން ސަރުކާރުން ހުށަހަޅާފައިވާ މައިގަނޑު ހަ ކޮމްޕޯނެންޓަކީ އެސަރަހައްދުގައި ތަރައްގީކުރަން އެންމެ އެކަށޭނެ ކަންކަންތޯ ބެލުމަށްވަނީ ހަމަޖެހިފައިވާ ކަމަށްވެސް ސައީދު ވިދާޅުވި އެވެ.