މިހާރު ކުރަމުންދާ ވިއްސާރައިގައި އެންމެ ގިނައިން ވާރޭ ވެހިފައިވަނީ ހދ. މަކުނުދޫއަށް

ރާއްޖޭގެ ސަރަހައްދަށް ހުޅަނގު މޫސުމުގެ ވިއްސާރަ ކުރަންފެށުމާ ގުޅިގެން މިހާތަނަށް މި ވިއްސާރައިގައި އެންމެ ގިނައިން ވާރޭވެހިފައިވަނީ ހދ. މަކުނޫދުއަށް ކަމަށް މެޓް އޮފީހުން ބުނެފި އެވެ.

މެޓް އޮފީހުން ބުނީ ހޮނިހިރު ދުވަހުގެ ރެއާ އާދިއްތަ ދުވަހު ކުރި ވިއްސާރައިގައި ހދ. މަކުނުދޫއަށް 100 މިލިމީޓަރުގެ ވާރޭ ވެހިފައިވާ ކަމަށެވެ.

ރާއްޖޭގެ ބޮޑުބަޔަކަށް ވިއްސާރަކޮށް ބައެއްރަށްތަކަށް ގުގުރުމާއެކު ހޮނިހިރުދުވަހު ބޯކޮށް ވާރޭވެހިފައިވާއިރު އެދުވަހު ދ. ކުޑަހުވަދޫއަށް 57 މިލިމީޓަރުގެ ވާރޭ ވެހުނު ކަމަށް މެޓް އޮފީހުން މައުލޫމާތު ދެއެވެ.

އަދި ހޮނިހިރު ދުވަހު ތ.ވޭމަންޑޫއަށް 53 މިލިމީޓަރުގެ ވާރޭވެހިފައިވާއިރު ށ.ފުނަދުއަށް 40 މިލިމީޓަރުގެ ވާރޭވެހިފައި ވެއެވެ. މީގެ އިތުރުން އިއްޔެ ހެދުނު އައި ވިލާގަނޑުގައި ގދ. ކާޑެއްދުއަށް 40 މޭލަށް ވައިގަދަވެފައިވާ ކަމަށް މެޓް އޮފީހުން ބުނެ އެވެ.