ކުޑަކަމުދާ ތަކެތި ދިނުމަށް އިންކާރުކުރި މީހަކު 1 އަހަރަށް ޖަލަށްލުމަށް ހުކުމް ކޮށްފި

ފުލުހުންނަށް ކުޑަކަމުދާ އެއްޗެހި ދިނުމަށް އިންކާރުކުރި ކުޅުދުއްފުށީ މީހަކު 1 އަހަރަށް ޖަލަށްލުމަށް ކްރިމިނަލް ކޯޓުން ހުކުމްކޮށްފި އެވެ.

ކްރިމިނަލް ކޯޓުން އިއްޔެ ހުކުމް ކޮށްފައިވަނީ ހދ. ކުޅުދުއްފުށި، އަބަދަށްހިޔާގެ، އަހުމަދު ޒިޔާދު (32އ) ގެ މައްޗަށެވެ.

ދައުލަތުން އޭނާގެ މައްޗަށް ކުޑަކަމުދާ އެއްޗެހި ދިނުމަށް އިންކާރު ކުރުމުގެ ކުށުގެ ދައުވާ އުފުލާފައިވަނީ 2012 އޮގަސްޓް 14 ވަނަ ދުވަހު އަހުމަދު ޒިޔާދުގެ މައްޗަށް ތުހުމަތު ކުރެވުނު މަސްތުވާތަކެތީގެ މައްސަލައަކާ ގުޅިގެން ހދ. ކުޅުދުއްފުށި ޕޮލިސް ސްޓޭޝަނަށް ޙާޟިރުކޮށް، ކުޑަކަމުދާ އެއްޗެހި ދިނުމަށް އެންގުމުން ކުޑަކަމުދާ އެއްޗެހި ދީފައިނުވާ މައްސަލައާ ގައި ކަމަށް ފުލުހުން ބުނެ އެވެ.