ޓައިވާން އެތުލެޓިކްސް އޯޕަންގައި ވާދަކުރުމަށް ހުސެއިން ރިޒާ ޓައިވާނަށް ފުރައިފި

ޓައިވާން އެތުލެޓިކްސް އޯޕަންގައި ވާދަކުރާ ގައުމީ އެތުލެޓިކްސް ޓީމް ގައި ކުޅުދުއްފުށީގެ އެތްލީޓް ހުސެއިން ރިޒާ ހިމެނިއްޖެ އެވެ. އެތުލެޓިކްސް ޓީމް ވަނީ ރޭ ޓައިވާނަށް ފުރައިފިއެވެ.

ޓައިވާނަށް ފުރި ޓީމްގައި ހިމެނެނީ ހުސެއިން ރިޒާގެ އިތުރުން 3 އެތުލީޓުންނާއި ކޯޗެކެވެ. މުބާރާތުގައި ވާދަކުރާ އެތުލީޓުންނަކީ އާދިލް ރަޝީދާއި ހުުސައިން އިނާޝް އަދި ޝިފާޒް މުހައްމަދެވެ. ޓީމްގެ ކޯޗަކީ އަބްދުﷲ އިބްރާހީމް އެވެ.

މިމުބާރާތުގައި ރާއްޖޭގެ އެތުލީޓުން ވާދަކުރާނީ ފިރިހެނުންގެ 200މ، 400މ، 800މ، 1500މ ދުވުމުގައާއި 400މ ރިލޭގައެވެ.

މުބާރާތުގެ ފުރަތަމަ ދުވަހު ރާއްޖޭގެ އެތުލީޓުން ވާދަކުރާނީ 400މ ދުވުމުގައާއި 1500މ ދުވުމުގައެވެ. އަދި ދެވަނަ ދުވަހު ވާދަކުރާނީ 200މ ދުވުމާއި 800މ ދުވުމާއި 400މ ރިލޭގައެވެ.

މި މުބާރާތް އޮންނަނީ މިމަހު 15 އަދި 16 ވަނަ ދުވަހު އެވެ.