ދަނޑުވެރިކަމުން އުފައްދާ ތަކެތި މާކެޓް ކުރުމަށް ދަނޑުވެރިންނަށް އެހީ ފޯރުކޮށްދެމުން އަންނަ ކަމަށް އެކޮނޮމިކް މިނިސްޓްރީގެ ހދ. އަތޮޅު ބިޒްނަސް ޑެވެލޮޕްމަންޓް ސަރވިސް ސެންޓަރުން ބުނެފި އެވެ.
އެ ސެންޓަރުގެ މެނޭޖަރު އިބްރާހިމް އިމާދު ބުރާސްފަތި ދުވަހު ވިދާޅުވީ މާކެޓިންގ އެކްސެސްއަކީ އެފަރާތުން ވަރަށް ބޮޑު އަހަމިއްޔަތެއްދޭ ކަމެއް ކަމަށާއި އެހެންނަމަވެސް މިވަގުތަށް މާބޮޑަކަށް މާކެޓިންގ ޑިމާންޑެން އެސެންޓަރަށް ނާންނަކަމަށެވެ.
އެކަމަކު ވައިކަރަދޫގެ 2 ދަނޑުވެރިޔަކަށް އެފަރާތުން އުފައްދާ ބައެއް ބާވަތްތަކުގެ ތަކެތި މާކެޓަށް ނެރުމަށް އެހީ ފޯރުކޮށްދީފައިވާ ކަމަށް އިމާދު ވިދާޅުވި އެވެ.
އޭނާ ވިދާޅުވީ އެސެންޓަރުގެ ފަރާތުން ހއ، ހދ އަދި ށ އަތޮޅުގެ ތެރެއިން 24 ރަށަކަށް ޒިޔާރާތްކޮށްފައިވާނޭ ކަމަށެވެ. އެހެންނަމަވެސް މާކެޓްކުރުމަށް ދަތިވެގެން އެފަރާތަށް އަންގާފައިވަނީ 2 ފަރާތަކުން ކަމަށެވެ. އަދި އެ ދެ ފަރާތަށް މިހާރު އެކަން ފަހިކޮށްދީފައިވާނޭ ކަމަށް އިމާދު ފާހަގަ ކުރެއްވި އެވެ.
މަސްވެރިން އަދި ދަނޑުވެރިން ވިޔަސް އަދި ކޮންމެ މަސައްކަތްތަކެއް ކުރައްވައިގެން ވިޔަސް އުފައްދާ ތަކެތި މާކެޓް ކުރުމަށް ދަތިވާ ނަމަ އެފަރާތަކަށް މިނިސްޓްރީ އާއި ބީޑީއެސްސީ ގުޅިގެން، ގަންނަފަރާތާއި ވިއްކާ ފަރާތް ގުޅުވާދީ މާކެޓް ކޮށްދިނުމަށް އެހީވެ ދޭނެކަމަށް ބީޑީއެސްސީ ބުނެއެވެ.
ކުޅުދުއްފުށީގައި ބާއްވާ ހިޔަލަ މައުރަޒު މާދަމާ ހުޅުވާލާނެ
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
