ތަފާތު އެކި ހުނަރުތައް ފެނިގެންދާނެ “މަދަދު ޝޯ” ތިލަދެކުނު ސިނަމާ ގައި

ކުޅުދުއްފުށީގައި ހުރި ސަރުކާރުގެ މުވައްސަސާތަކާއި ބައެއް ޖަމްއިއްޔާތައް ގުޅިގެން ތަފާތު ހުނަރުތައް ފެނިގެންދާނެެ “މަދަދު ޝޯ” ނަމުގެ ޝޯއެއް ބާއްވަން ނިންމާފި އެވެ.

މި ޝޯގައި ބައިވެރިވާން ހަމަޖެހިފައިވާ މުވައްސަސާތަކުގެ ތެރޭގައި ރަށު ކައުންސިލް، އަތޮޅު ކައުންސިލް ، ކޮރަލް ، އިމިގުރޭޝަން ، ކަސްޓަމްސް ، ފެނެކާ . މަލަކަ އަދި ސްކޫލްގެ ބެލެނިވެރިންނާއި ޓީޗަރުން ހިމެނެ އެވެ. އަދި ބޮޑުބެރު ގުރޫޕް ދައްސޫރަ އަދި މިސްގާލް ހުށައަޅައިދޭ ލަވަތައް ވެސް މި ޝޯ އިން ފެނިގެން ދާނެއެވެ.

މި ޝޯއިން ފެނިގެންދާނެ އައިޓަމްތަކުގެ ތެރޭގައި ބޮޑުބެރު ،ޑުރާމާ އަދި އެކި ނެށުންތަށް ހިމެނެއެވެ.

މި ޝޯ ބޭއްވުމަށް ހަމަޖެހިފައި ވަނީ 22 އަދި 23 ވާ ދެ ދުވަހުގެ ރޭ 21:00 ގައެވެ. ޝޯގެ ޓިކެޓް ލިބެން ހުންނާނީ 18 ން 20 މެއިގެ ނިޔަލަށް އަމީރު އަމީން ސްކޫލުންނެވެ. މި ޝޯގެ ޓިކެޓެއްގެ އަގަކީ 35 ރުފިޔާ އެވެ.

މި ޝޯގެ މައިގަނޑު މަގުސަދަކީ ސްކޫލްގެ ކުލާސް ރޫމްތަކުގެ މިހާރު ހުންނެވި ފެންވަރާ ސެޓްއަޕްތައް އިތުރަަށް ރަނގަޅު ކުރެވުމަށް ފައިސާ ހޯދުންކަމަށް މިކަން އިންތިޒާމް ކުރާ އަމީރު އަމީން ސްކޫލުން ބުނެ އެވެ.

އަމީރު އަމީން ސްކޫލުގެ ހިންގުމާ ހަވާލުވެހުންނެވި އައިޝަތު މުހައްމަދު ވިދާޅުވާގޮތުގައި މިހާރު ހަމަޖެހިފައިވާ މުވައްސަސާތަކުގެ އިތުރުން އެހެން ފަރާތްތައް ފެނިދާނެކަމަށާއި އަދި އެކަމާ ބެހޭގޮތުން މި ވަގުތު އެއްޗެކޭ ދަންނަވަން ނޭނގޭ ކަމަށެވެ. އަދި މިހާރު މި ޝޯ އަށް ތައްޔާރު ވުމުގެ ގޮތުން ދަނީ ބައިވެރިވި އެކި މުވައްސަސާތަކާއި މަޝްވަރާކުރެވެމުންނެވެ.