ކައުންސިލްތަކަށް އަމާޒުކޮށްގެން ތަމްރީނު ޕްރޮގްރާމެއް އެލްޖީއޭއިން ފަށައިފި

ކައުންސިލްތަކަށް އަމާޒުކޮށްގެން ލޯކަލް ގަވަރމެންޓް އޮތޯރިޓީ (އެލްޖީއޭ)އިން ހިންގާ ޕްރެކްޓިސަސް ފޯރ އިފެކްޓިވް ލޯކަލް ކައުންސިލް މެނޭޖްމަންޓް ޕްރޮގްރާމް މިއަދު ފަށައިފި އެވެ.

މި ޕްރޮގްރާމުގެ ސަބަބުން ކައުންސިލްތަކުގެ މުވައްޒަފުންނަށް ލޯކަލް ގަވަރމަންޓް އޮތޯރިޓީގެ މަސައްކަތްތަކުގައި ބައިވެރިވެ އަމަލީ ތަޖުރިބާ ލިބިގެންދާނެކަމަށާއި މި ޕްރޮގްރާމް ކުރިޔަށް ދާނީ އެއް މަސްދުވަހުގެ މުއްދަދަކަށް އެލްޖީއޭއިން ބުނެ އެވެ.

މިއަދު މި ޕްރޮގުރާމް ފައްޓަވައި ދެއްވަމުން އެލްޖީއޭގެ ޑިރެކްޓަރ ޖެނެރަލް އާދަމް ޝަރީފް އަހުމަދު ވިދާޅުވީ މި ޕްރޮގްރާމުގެ ތެރެއިން ބޭނުންވަނީ ވަރަށް ބުރަށްކޮށް މަސައްކަތްކޮށްފައި އެނބުރި ކައުންސިލްތަކަށް މުވައްޒަފުން ދިއުން ކަމަށެވެ. އަދި މި އަހަރު ތެރޭގައި ކައުންސިލްތަކުގެ އޮނިގަނޑަށް ބަދަލު އައުމަކީ ވަރަށް ގާތުގައިވާ ކަމެއް ކަމަށާއި ކުރިމަގުގައި ކައުންސިލްތަކުގެ މުވައްޒަފުން ވެގެންދާނީ މަލްޓި ޓާސްކް ބަޔަކަށް ކަމަށް ގަބޫލުކުރައްވާ ކަމަށެވެ.

އޭނާ ވިދާޅުވީ މި އަހަރު ތެރޭގައި ކައުންސިލްތަކުގެ އޮނިގަނޑަށް ބަދަލު އައުމަކީ ވަރަށް ގާތުގައިވާ ކަމެއް ކަމަށާއި މި ޕްރޮގްރާމްގެ ސަބަބުން ކުރިމަގުގައި ކައުންސިލްތަކުގެ މުވައްޒަފުން ވެގެންދާނީ މަލްޓި ޓާސްކް ބަޔަކަށް ކަމަށް ގަބޫލުކުރައްވާ ކަމަށެވެ. އަދި މި ޕްރޮގްރާމަކީ ގިނަ ތަޖުރިބާތަކެއް ހާސިލްކޮށް، ހުނަރު ތަރައްގީ ކުރަން ލިބޭ ވަރަށް ރަނގަޅު ފުރުސަތެއްކަން ވެސް ވިދާޅުވި އެވެ.

މި ޕްރޮގުރާމްގައިވަނީ ހަ ކައުންސިލެއްގެ މެމްބަރުން ވަނީ ބައިވެރިވެފައެވެ.