15 އަހަރުގެ އަންހެން ކުއްޖަކަށް ޖިންސީ ގޯނާކުރިކަމުގެ ތުހުމަތުގައި 19 އަހަރުގެ ޒުވާނަކު ހައްޔަރުކޮށްފި

15 އަހަރުގެ އަންހެން ކުއްޖަކަށް ޖިންސީ ގޯނާކުރިކަމުގެ ތުހުމަތު 19 އަހަރުގެ ފިރިހެނަކު ކުޅުދުއްފުށިން ހައްޔަރުކޮށްފި އެވެ.

ފުލުހުންގެ މީޑިއާ އޮފިސަލް “ކުޅުދުއްފުށި އޮންލައިނަށް” މިއަދު ވިދާޅުވީ 15 އަހަރުގެ އަންހެން ކުއްޖަކަށް ޖިންސީ ގޯނާކުރިކަމުގެ ތުހުމަތުގައި ފިރިހެނަކު މިމަހު 13 ވަނަ ދުވަހު ކުޅުދުއްފުށިން ހައްޔަރުކޮށްފައިވާ ކަމަށެވެ.

އަދި އޭނާގެ ބަންދުގެ މުއްދަތު ކުޅުދުއްފުށި ކޯޓުން ދެފަހަރަށް ޖަހާދީފައިވާކަމަށް ފުލުހުން ބުންޏެވެ. ފުލުހުން ބުނީ އެމައްސަލަ ފުލުހުން މިހާރު ތަހްގީގުކުރަމުންދާ ކަމަށެވެ.

“ކުޅުދުއްފުށީ އޮންލައިނަށް” އެގިފައިވާ ގޮތުގައި މިމައްސަލާގައި ފުލުހުން ހައްޔަރުކޮށްފައިވަނީ އޭޑީކޭ ކޯލް ސެންޓަރުގައި ވަޒީފާ އަދާކުރާ މުވައްޒަފެކެވެ.