ކުޅުދުއްފުށިން މާލެއަށް ދަތުރުކުރަމުންދިޔަ ބަހާދަރު ބޯޓް ތެރޭގައި މީހަކު ވިހައިފި

ކުޅުދުއްފުށިން މާލެއަށް ދަތުރު ކުރަމުންދިޔަ ބަހާދަރު ބޯޓް ތެރޭގައި މީހަކު ވިހައިފި އެވެ.

ށ. ފޭދޫ މި އަންހެން މީހާ ވިހާފައިވަނީ ރޭ ފަތިހު 4:10 އެހާއިރު ކަމަށާއި ވިހާފައިވަނީ ދުވަސް ފުރާ އަންހެން ކުއްޖެއް ކަމަށް ބޯޓް ތިބި ބައެއް މީހުން މިނޫހަށް ކިޔައިދީފާވެ އެވެ. ބޯޓް ވާހަކަ ދެއްކި މީހަކު ބުނީ އޭނާ ވިހެއީ ބޯޓްގައި ތިބި ދެ އަންހެނެއްގެ އެހީތެރިކަމާ އެކު ކަމަށާއި އޭނާގެ ފިރިމީހާ ވެސް ބޯޓްގައި ހުރިކަމަށެވެ.

މި އަންހެން މީހާ ބޯޓްތެރޭގައި ވިހޭއިރު ބޯޓް އޮތީ ކ. އަތޮޅުގެ ތެރޭގައި ކަމަށާއި އަންހެން މީހާ އާއި އޭނާ ވިހޭ ކުއްޖާގެ ހާލު ރަގަޅުކަމަށް ބޯޓްގެ ކޭޝިއަރު އަހުމަދު މައުލޫމާތު ދިނެވެ.

އެ ދެމަފިރިން މާލެއަށް ދިއުމަށް ބޯޓަށް އެރީ ވިހަން 10 ދުވަސް އޮތްކަމަށް ފޭދޫ ސިއްހީ މަރުކަޒުން ބުނުމުން ކަމަށް ބޯޓުގައި ތިބި މީހުން މައުލޫމާތު ދެއެވެ.

އެމްއެންޑީއެފުން މި ދެމައިން މިހާރު ވަނީ މާލެގެން ގޮސް ފަރުވާދޭން ފަށާފަ އެވެ.

މީގެ ކުރިންވެސް ބަހާދަރު ބޯޓް ތެރޭގައި އަންހެނަކު ވިހާފައިވެ އެވެ.