ކުޅުދުއްފުށީގައި ޑްރައިވިން ސްކޫލެއް ހުޅުވައިފި

ކުޅުދުއްފުށީގައި އެއްގަމު އުޅަނދު ދުއްވަން ދަސްކޮށްދޭ ޑްރައިވިން ސްކޫލެއް މިރޭ ހުޅުވައިފިއެވެ.

“ކޭ.ކޭ ޑްރައިވިން ސްކޫލްގެ” ނަމުން ހުޅުވި މިސްކޫލް ހުޅުވައިދެއްވީ ކުޅުދުއްފުށީ ކައުންސިލް މެންބަރު އައިމިނަތު މަޖީދާ އެވެ.

މި ހަފްލާގައި ވާހަކަ ދައްކަވަމުން މިތަނުގެ ވެރިޔާ ޝިރުމީނާ ހުސެއިން ވިދާޅުވީ މި ސްކޫލްގައި އެއްގަމު އުޅަނދުގެ ހުރިހާ ކެޓެގަރީއެއްގެ ވެހިކަލް ދުއްވުމުގެ ޓްރޭނިން ލިބިގެންދާނެ ކަމަށާއި މި ސްކޫލްގެ ޓްރޭނިން ފުރިހަމަކޮށް ނިންމާ ބައިވެރިންނަށް ސެޓްފިކެޓް ލިބޭނެކަމަށް އޭނާ ވިދާޅުވި އެވެ.

މި ސްކޫލްގައި ހިންގާ ޓްރެއިނިންގެ ފީ އާއި ބެހޭގޮތުން އަދި އެއްޗެއް ދަންނަވަން ނޭނގެ ކަމަށާއި ވަރަށް އަވަހަށް އެކަމާ ބެހޭ މައުލޫމާތު އެތަނުން އާންމު ކުރާނެ ކަމަށް ޝިރުމީނާ ވިދާޅުވިއެވެ.

ކުންޑުމަތީގޭގައި ހުޅުވި މި ސްކޫލަކީ ކުޅުދުއްފުށީގައި ހުޅުވި ފުރަތަމަ ޑްރައިވިން ސްކޫލެވެ.