ކުޅުދުއްފުށީގައި ތިން އަހަރުގެ ކުއްޖަކަށް އެ ކުއްޖާގެ މާމަ ޖިންސީ ގޯނާކުރި މައްސަލައެއް ފެންމަތިވެއްޖެ

Jun 3, 2015

ކުޅުދުއްފުށީގައި، ތިން އަހަރުގެ އަންހެން ކުއްޖަކަށް، އެ ކުއްޖާގެ މާމަ ޖިންސީ ގޯނާ ކުރި މައްސަލައެއް ފެންމަތިވެ، އެ މައްސަލަ ފުލުހުން ބަލަންފަށައިފި އެވެ.

” ކުޅުދުއްފުށި އޮންލައިނަށް” އެގިފައިވާގޮތުގައި މިކަމެއް ފަޅާއެރީ އެ ކުއްޖާގެ ޖިންސީ ގުނަވަނަށް ތަދުވާތީ، އެ ކުއްޖާގެ މަންމަ އެ ކުއްޖާ ޑޮކްޓަރަށް ދެކުމުންނެވެ.

އަދި ޑޮކްޓަރ ސުވާލުކުރުމުން ފުރަތަމަ އެކުއްޖާ އެވާހަކަ ކިޔައިދޭން ދެކޮޅު ހެދިކަމަށްވެ އެވެ. އެކަމަކު ފަހުން އެކުއްޖާއަށް އޭނާގެ މާމަ “ބެހޭ” ކަމަށް ބުންޏެވެެ.

ފުލުހުންގެ މީޑިއާ އޮފިޝަލް މިނޫހަށް މައުލޫމާތު ދެއްވަމުން ވިދާޅުވީ 3 އަހަރުގެ އަންހެން ކުއްޖަކަށް ޖިންސީ ގޯނާ ކުރިކަމުގެ މައްސަލައެއް މި ހުސްވި މެއި މަހުގެ 5 ވަނަ ދުވަހު ހުށަހެޅިފައިވާ ކަމަށެވެ. އެމައްސަލަ ޗިލްޑްރަން ސާވިސް ސެންޓަރާ ގުޅިގެން ތަހްގީކުރަމުން އަންނަކަމަށް ފުލުހުން ބުންޏެވެ.

ފުލުހުން ބުނީ އެމައްސަލާގައި އެއްވެސް މީހަކު މިހާތަނަށް ހައްޔަރުކޮށްފައި ނުވާކަމަށެވެ.

މިމައްސަލައިގެ ތުހުމަތު އެކުއްޖާގެ ބައްޕަ ފަރާތު މާމައަށް ކުރާއިރު އެކުއްޖާގެ މާމަ ވަނީ ފުލުސް އިދާރާއަށާއި ޗިލްޑްރަން ސާވިސް ސެންޓަރަށް ހާޒިރުކޮށް ސުވާލުކޮށްފަ އެވެ.

މިލިޔުމާއި ގުޅޭ