ކުޅުދުއްފުށީގައި ޒަމާނީ ފެންވަރުގެ ޑްރައިވިން ސްކޫލެއް ހުޅުވައިފި

ކުޅުދުއްފުށީގައި ޒަމާނީ ފެންވަރުގެ ހިދުމަތްތަކާއެކު ޑްރައިވިން ސްކޫލެއް ހުޅުވައިފި އެވެ.

“ދަސްވެ ޑްރައިވިން ސްކޫލް”ގެ ނަމުގައި ހުޅުވި މި ސްކޫލް ހުޅުވީ ކުޅުދުއްފުށި ފިނިހަނދުވަރު ގޭގަ އެވެ.

ބުރާސްފަތި ދުވަހުގެ ރޭ މި ސްކޫލު ހުޅުވައިދެއްވީ ހެޑްއޮފް އަޕަރނޯތް ޕޮލިސް ޑިވިޝަން އިންސްޕެކްޓަރ ނަސްރުﷲ ޖަލީލެވެ

މި ސްކޫލުން މޮޓޯ ސައިކަލުން ފެށިގެން ހެވީ ވެހިކަލާއި ހަމަޔަށް ލައިސެންސް ނެގުމުގެ ފުރުސަތު ލިބޭނެ ކަމަށް އެ ސްކޫލުން ބުނެ އެވެ. މިޑްރައިވިން ސްކޫލަކީ އެއްގަމު އުޅަނދުގެ ލައިސަންސް ނަގަން ބޭނުންވާ ފަރާތްތަކަށް ދުއްވަން ދަސްކޮށްދީ ލައިސަންސް ހޯދައިދިނުމުގައި އެހީތެރިކަން ފޯރުކޮށްދިނުމުގެ ގޮތުން ހުޅުވުނު ޑްރައިވިންގ ސްކޫލެކެވެ.

ދަސްވެ ޑްރައިވިން ސްކޫލްގެ ހިދުމަތް ފެށުމާ ގުޅިގެން ދުއްވަން ދަސްކުރާ ފަރާތްތަކާއި، އަލަށް ލައިސަންސް އަދި ލައިސަންސްގެ ކެޓަގަރީ އިތުރު ކުރުމުގައި މި ޑްރައިވިން ސްކޫލްގެ އެހީތެރިކަން ލިބޭނެކަމަށް ދަސްވެ ޑްރައިވިން ސްކޫލުން ބުނެއެވެ.

މި ޑްރައިވިން ސްކޫލު ހުޅުވުމުގެ ރަސްމިއްޔާތުގައި ސްކޫލްގެ ލޯގޯ ފަރުމާ ކޮއްދެއްވި އަހުމަދު މޫސާއަށް ވަނީ ހަނދާނީ ފިލާ ހަވާލު ކޮއްދީފަ އެވެ.

ކުޅުދުއްފުށީގައި ދެވަނަޔަށް ހުޅުވި މި ޑްރައިވިންގ ސްކޫލްގައި ޓްރެއިން ކޮށްދިނުމަށް 8 އިންސްޓްރަކްޓަރުން ތިއްބަވާނެކަމަށް އެ ސްކޫލުން މައުލާމާތު ދިނެވެ.