ސީ އެމްބިއުލާންސްގެ ހިދުމަތް ހދ. އަތޮޅުގައި ދޭން ފަށައިފި

ހދ. އަތޮޅަށް ސީ އެމްބިއުލާންސްއެއް ގެނެސް، ހިދުމަތް ދޭން ފަށައިފި އެވެ.

ހދ އަތޮޅަށް ސީ އެމްބިއުލާންސްއެއް ގެނެސް ހިދުމަތް ފަށާފައިވަނީ މިދިޔަ އަންގާރަ ދުވަހު އެވެ. އެއަތޮޅަށް ސީ އެމްބިއުލާންސެއް ލިބި ހިދުމަތް ދޭން ފަށާފައި މިވަނީ މި ހިދުމަތް ރާއްޖޭގައި ފެށިތާ އަހަރެއް ވީ ފަހުންނެވެ.

ކުޅުދުއްފުށީ ރީޖަނަލް ހޮސްޕިޓަލްގެ އިންފޮމޭޝަން އޮފިޝަލް ހުސެއިން ހަސަން މިއަދު ވިދާޅުވީ ހދ އަތޮޅަށް ހާއްސަކޮށްގެން ގެނައި މި ސީ އެމްބިއުލާސް ލޯންޗުގެ ހިދުމަތް ދޭ ފަށާފައިވާ ކަމަށެވެ.

އޭނާ ވިދާޅުވީ ލޯންޗުގެ ގެނައި ފަހުން ބަލި މީހުން ގޮވައިގެން ތިން ވަރަކަށް ދަތުރު މިހާރުކޮށްފައިވާ ކަމަށާއި ހދ. ގެ އިތުރުން ބައެއް ހާލަތްތަކުގައި އެ ލޯންޗުގެ ހިދުމަތް ހއ އާއި ށ އަތޮޅުގައި ވެސް ދޭނެކަމަށެވެ.