ކުޅުދުއްފުށީ ކައުންސިލުން ކަދުރު ދޫކުރަން ފަށައިފި

ކުޅުދުއްފުށި ކައުންސިލުން ކުޅުދުއްފުށީގައި ބަހަން ހަމަޖެހުނު ކަދުރު ޕެކެޓްތައް ދޫކުރުން ފަށައިފި އެވެ.

އެގޮތުން ކުޅުދުއްފުށީގައި ބެހުމަށް 2 ކިލޯގެ 640 ކަދުރު ޕެކެޓް ލިބިފައިވާ ކަމަށް ކައުންސިލްގެ އިންފޮމޭޝަން އޮފިސަރ ހުސެއިން އަލީ ވިދާޅުވިއެވެ.

މިހާރު ކުޅުދުއްފުށީގައި މީހުން ދިރިއުޅޭ 1400 ގޭގައި ކަމަށާއި އެހެންނަމަވެސް 640 ޕެކެޓް ކަދުރު ހުރިހާގެއަކަށް ބެހުމަށް މަދުވާކަމަށް އޭނާ ވިދާޅުވި އެވެ.

މިހާތަނަށް 250 ހާ ގެއަށް ކަދުރު ގެންގޮސްފައިވާއިރު އިއްޔެ 125 ގެއަކަށް ކަދުރު ޕެކެޓް ދޫކުރެވިފައިވާކަމަށް ހުސެއިން އަލީ ވިދާޅުވިއެވެ.

ކަދުރު ބެހުމަށް ހަމަޖެހިފައިވަނީ ބަންދު ދުވަސްތައް ފިޔަވައި ކޮންމެ ދުވަހަކު 9:00 ން 12:00 ކަމަށް ހުސެއިން އަލީ ވިދާޅުވިއެވެ.