ސާފުތާހިރުކަން ކުޑަވުމުން “ސާޖީސް ކެފޭ” ބަންދުކޮށްފި

އާއްމު ސާފުތާހިރުކަން ކުޑަވުމުގެ ސަބަބުން ކުޅުދުއްފުށިގައި ހުންނަ ސާޖީސް ކެފޭ ބަންދުކޮށްފި އެވެ.

“ކުޅުދުއްފުށި އޮންނައިނާ” ވާހަކަ ދައްކަވަމުން ޕަބްލިކް ހެލްތް ޔުނިޓުގެ އޮފިޝަލަކު ވިދާޅުވީ އާއްމު ސާފުތާހިރުކަން ކުޑަވެގެން ސާޖީސް ކެފޭ ބަންދުކުރީ މިދިޔަ އަންގާރަ ދުވަހު އެވެ.

އޮފިޝަލް ވިދާޅުވީ އަމިއްލަ ފަރާތަކުން ހުށަހެޅި ޝަކުވާއަކާ ގުޅިގެން ޕަބުލިކް ހެލްތް ޔުނިޓްގެ ބޭފުޅުން އެތަނަށް ޒިޔާރާތްކޮށް އިންސްޕެކްޓް ކުރުމަށް ފަހު، އާއްމު ސާފުތާރިކަން ކުޑަވާގޮތަށް ކަންތައްތައް ހުރުމުން ބަންދުކުރީ ކަމަށެވެ.

އެގޮތުން އެތަނުގެ ޖަގްޝަނުން ފެން ބޭރުވެ ކެފޭ ތެރޭގައި ނުބައި ވަސް ފެތުރިފައި ހުރުމުންނާއި ކެއްކުމަށް ފަހު ބައެއް ތަކެތި ހިހޫ ކުރުމަށްކަމަށް ބުނެ ގުދަނަ ލައި ފައި ހުންނައިރު މަތިނުޖަހާ ހުރުންމާއި ބަދިގެ އާއި ގުދަން ތެރޭގައި މެހި ގިނަވުމުން ކަމަށް އޮފިޝަލް ވިދާޅުވި އެވެ. އަދި މީގެ އިތުރުން އިތުރު ބައެއް މައްސަލަތައް ވެސް ހުރިކަން އޭނާ ފާހަގަކުރެއްވި އެވެ.

އޮފިޝަލް ވިދާޅުވީ މިއަދުގެ މެންދުރު ފަހުގެ ވަގުތެއްގައި ކެފޭ އަލުން ހުޅުވުމުގެ ހުއްދަ ދެވޭނެ ކަމަށާއި އެތަން ހުޅުވުމުގެ ހުއްދަ ދެނީ ރަނގަޅުކުރުމަށް އެގި ކަންތައް އިންސްޕެކްޓު ކުރުމަށް ފަހު ކާބޯތަކެތީގެ ހިދުމަތްދޭ ތަންތަނާ ބެހޭ އާއްމު ގަވައިދާ އެއްގޮތަށް ރަނގަޅުކުރުމުން ކަމަށް އޭނާ ވިދާޅުވި އެވެ.

ކާބޯތަކެތި ތައްޔާރުކޮށް އުފައްދާ އަދި ވިއްކާ ތަންތަނުގެ ސާފުތާހިރުކަމަށް ސަމާލުކަން ދިނުމަށާއި އެފަދަ ތަންތަނުގައި މަސައްކަތްކުރާ މުއައްޒަފުންގެ ސާފުތާހިރުކަން ދެމެހެއްޓުމަށް ޕަބުލިކް ހެލްތް ޔުނިޓުން އިލްތިމާސް ކުރި އެވެ.