ޖަލާލުއްދީން ސްކޫލުގެ މަތީ ޘާނަވީ ނިންމި ދަރިވަރުންގެ ދަސްވެނިވުން ބާއްވައިފި

ޖަލާލުއްދީން ސްކޫލުގެ މަތީ ޘާނަވީ ނިންމި ދަރިވަރުންގެ ދަސްވެނިވުން ބާއްވައިފި އެވެ.

މިއަދު ޖަލާލުއްދީން ސްކޫލު ހޯލުގައި ބޭއްވި މި ރަސްމިއްޔާތު ޝަރަފުވެރި ކޮށްދެއްވީ ޤައުމީ ޔުނިވަރސިޓީގެ ކުޅުދުއްފުށީ ކެމްޕަހުގެ މެނޭޖަރު އިބުރާހިމް މުހައްމަދެވެ.

މިރަސްމިއްޔާތުގައި ޝަރަފުވެރި މެހެމާނު ދެއްކެވި ވާހަކައިގާ މުޖްތަމައު އިސްލާހު ކުރަން ނުކުންނަ ދަރިވަރުންނަކީ މިއަދު ދަސްވެނިވެ ނިމުނު ދަރިވަރުންކަން ފާހަގަ ކުރައްވާ މުޖްތަމައު އިސްލާހު ކޮށް، ތަރައްގީ ގެނައުމުގައި ހިއްސާވުމަށް ގޮވާލެއްވި އެވެ. އަދި މަތީ ތައުލީމަށް ލިބިފައި ހުރި ފުރުސަތު ތަކުގެ ބޭނުން އެންމެ އެދެވޭ ގޮތުގައި ހިފުމަށް ނަސޭހަތްތެރިވެލެއްވި އެވެ.

ދަސްވެނިވުމުގެ މި ޖަލްސާގައި ސްކޫލުގެ އަލަށް ހޮވުނު ކެޕްޓަނާއި ޑެޕިއުޓީ ކެޕްޓަނަށް މަގާމު ހަވާލުކޮށްދެއްވީ ސްކޫލުގެ ޕްރިންސިޕަލް މަހްދީ ޝާހިދެވެ.

ޖަލާލުއްދީން ސްކޫލުގެ 34 ދަރިވަރަކު ވަނީ ދަސްވެނިވިކަމުގެ ސެޓްފިކެޓް ހޯދާފަ އެވެ.