ކުޅުދުއްފުށީ ހޮސްޕިޓަލުން ރޭޑިއޮލޮޖިސްޓްގެ ހިދުމަތް ދޭން ފަށައިފި

ކުޅުދުއްފުށީ ރީޖަނަލް ހޮސްޕިޓަލުން ރޭޑިއޮލޮޖިސްޓެއް މެދުވެރިކޮށް ރޭޑިއޮލޮޖީގެ ހިދުމަތް ދޭން ފަށައިފި އެވެ.

“ކުޅުދުއްފުށި އޮންލައިނަށް” މައުލޫމާތު ދެއްވަމުން އިންފޮމޭޝަން އޮފިޝަލް ހަސަން ހުސައިން ވިދާޅުވީ ރޭޑިއޮލޮޖިސްޓެއްގެ ޚިދުމަތް ފަށާފައިވަނީ މިދިޔަ ހޮނިހިރު ދުވަހު ކަމަށެވެ.

އޭނާ ވިދާޅުވީ މިހާރު އައު އަލްޓްރާ ސައުންޑް ސްކޭން މެޝިނެއް އިންސްޓޯލްކޮށް، އެޚިދުމަތް ފަށާފައިވާއިރު، މާބަނޑު މީހުންގެ އިތުރުން އެހެން ސްކޭންތައްވެސް ކުރެވިގެންދާނެ ކަމަށެވެ.

ކުޅުދުއްފުށީ ހޮސްޕިޓަލުގައި ކުރިން އާއްމުކޮށް ސްކޭން ހަދައިދެނީ، އަންހެނުންގެ ހާއްސަ ޑޮކްޓަރު މެދުވެރިކޮށް މާ ބަނޑު މީހުންނަށް އެކަންޏެވެ.