މަހަށް ގޮސް އުޅުުނު ކުޅުދުއްފުށީ މީހަކު ހާޓް އެޓޭކެއް ޖެހިގެން މަރުވެއްޖެ

ރޭ މަހަށް ނިކުމެ އުޅުނު ކުޅުދުއްފުށީ “ހީރާ” ދޯނީގެ ފަޅުވެރިޔަކު މަރުވެގެން ގެނެސްފި އެވެ.

މަހަށް ގޮސް އުޅެނިކޮށް މަރުވެފައިވަނީ ކުޅުދުއްފުށީ، މެނީ ގޯލްޑް ހުސެއިން އަލީ(66އ ) އެވެ.

އޭނާގެ އާއިލާ މީހަކާ ހަވާލާދީ ކައުންސިލްގެ ރައީސް މިނޫހަށް ވިދާޅުވީ ހުސެއިން އަލީ މަރުވެގެން ގެނެސްފައިވަނީ ރޭ ދަންވަރު 2 ޖަހާއެހާއިރު ކަމަށެވެ.

ކުޅުދުއްފުށީ ހޮސްޕިޓަލުން ބުނީ ހުސެއިން އަލީ ހޮސްޕިޓަލަށް ގެނައި އިރުވެސް ވަނީ މަރުވެފަކަމަށާއި އޭނާ މަރުވެފައިވަނީ “ހައިޕޮޓެންޝަން ހާޓް އެޓޭކެއް”(ލޭ މައްޗަށް ގޮސްގެން ޖެހޭ ހާޓް އެޓޭކް) ޖެހިގެން ކަމަށެވެ.