ޖަލާލުއްދީން ސްކޫލުގެ ކެޑޭޓުން ހުވާކޮށް ހަތިޔާރު ހަވާލުކުރުމުގެ ރަސްމިއްޔާތު ބާއްވައިފި

ޖަލާލުއްދީން ސްކޫލުގެ ކެޑޭޓުން ހުވާކޮށް ހަތިޔާރު ހަވާލުުކުރުމުގެ ރަސްމިއްޔާތު އިއްޔެ ބާއްވައިފި އެވެ.

ޖަލާލުއްދީން ސްކޫލްގެ ހޯލްގައި އިއްޔެ ބޭއްވި މި ރަސްމިއްޔާތުގައި 52 ކެޑޭޓުން ވަނީ ހުވާކޮށްފަ އެވެ.

މިރަސްމިއްޔާތު ޝަރަފްވެރިކޮށްދެއްވީ ޤައުމީ ކެޑޭޓް ކޯޕްސްގެ ޑެޕިއުޓީ ޑިރެކްޓަރ ޖެނެރަލް ކާނަލް އަހުމަދު އިޝާން އެވެ.

ކެޑޭޓަކު ހަތިޔާރާ ހަވާލުވަނީ–

ކެޑޭޓުންނަށް ހުވާލާ ދެއްވީ ހދ އަތޮޅު ޖުޑިސަލް ހިންގުމާ ހަވާލުވެ ހުންނެވި ކުޅުދުއްފުށީ ކޯޓްގެ މެޖިސްޓްރޭޓް އަލީ އަދާމެވެ. ހަތިޔާރު ހަވާލުކުރެވޭއިރު އަންގާ އެންގުމާއި ހަތިޔާރު ހަވާލުކޮށްދެއްވީ އެމްއެންޑީއެފްގެ ނޮދާން އެރިޔާ ކޯސްޓްގާރޑް ޔުނިޓްގެ ސްކޮޑްގެ ކޮމާންޑަރ ލެފްޓިނަންޓް އަހުމަދު އާސިފެވެ.

މިރަސްމިއްޔާތުގައި ފްރައިވެޓަކުން ކޯޕްރަލްއަށް ޕްރޮމޯޓްވި 3 ކެޑޭޓަކަށް ވަނީ މަގާމުގެ ލިޔުން ހަވާލުކޮށްފަ އެވެ. ޕްރޮމޯޝަން ލިބުނު ކެޑޭޓުންނަކީ ކެޑޭޓް ކޯޕްރަލް މުހައްމަދު ބިން ހަމްޒާ އާއި ކެޑޭޓް ކޯޕްރަލް ޝިޔާން މުހައްމަދު އަދި ކެޑޭޓް ކޯޕްރަލް ސުހާދު އަހުމަދެވެ.

ކެޑޭޓް ހުވާ ކުރުމުގެ ރަސްމިއްޔާތުގެ ތެރެއިން–

ޖަލާލުއްދީން ސްކޫލްގެ ކެޑޭޓުން ހުވާކޮށްފައިމިވަނީ 3 އަހަރުގެ މެދުކެނޑުމަކަށް ފަހު އެވެ.