މައިލޯ އިންޓަރ ސްކޫލް އެތްލެޓިކްސް މުބާރާތުގައި ކުޅުދުއްފުށީގެ 3 ސްކޫލުން ބައިވެރި ވެއްޖެ

މައިލޯ ކަޕް އިންޓަރ ސްކޫލް އެތްލެޓިކްސް މުބާރާތުގައި ކުޅުދުއްފުށީގެ 3 ސްކޫލުން ބައިވެރި ވެއްޖެ އެވެ.

އަންނަ އޯގަސްޓް މަހު 13 ން 16 އަށް މާލޭގައި ކުރިއަށް ގެންދިއުމަށް ހަމަޖެހިފައިވާ މި މުބާރާތުގައި ކުޅުދުއްފުށީން އަފީފުއްދީން ސްކޫލް، ޖަލާލުއްދީން ސްކޫލް އަދި އޭއީސީ ވަނީ ބައިވެރިވެފަ އެވެ.

މިއަހަރުގެ މުބާރާތުގައި ޖުމްލަ 25 ސްކޫލަކުން ވަނީ ބައިވެރިވެފަ އެވެ. އެއީ މާލެއިން އިސްކަންދަރު ސްކޫލް، މަޖީދިއްޔާ ސްކޫލް، ތާޖުއްދީން ސްކޫލް، ވިލާ އިންޓަރނޭޝަނަލް ހައި ސްކޫލް، ބިލަބޮންގް ހައި އިންޓަރނޭޝަނަލް ސްކޫލް، ހިރިޔާ ސްކޫލް، މެޕްސް އިންޓަރނޭޝަނަލް ހައި ސްކޫލް، ގިޔާސުއްދީން ސްކޫލް، ޖަމާލުއްދީން ސްކޫލް، ކަލާފާނު ސްކޫލް މަދަރުސަތުއް ޝެއިހް މުހައްމަދު ޖަމާލުއްދީން އަދި އިމާދުއްދީން ސްކޫލެެވެ.

އޭގެ އިތުރުން ގުރައިދޫ ސްކޫލް، މާއެބޫދޫ ސްކޫލް، އދ މަހިބަދޫ އަތޮޅު ތައުލީމީ މަރުކަޒު، ދާންދޫ ސްކޫލް، ނ ހޮޅުދޫ މޭނާ ސްކޫލް، ގދ ތިނަދޫ އަތޮޅު ތައުލީމީ މަރުކަޒު، ހުޅުދެލި ސްކޫލް، ދ މީދޫ އަތޮޅު މަދަރުސާ، ހިތަދޫ ސްކޫލް، އަދި މަޑަވެލި ސްކޫލް ވެސް ވަނީ މި މުބާރާތުގައި ބައިވެރި ވެފަ އެވެ.