ޓީ.ވީ.އެމްގެ “ރަށްރަށުން” ޕްރޮގުރާމްގައި މިހަފްތާ ކުޅުދުއްފުށި

މި އަހަރު ރޯދަމަހަށް ހާއްްސަކޮށް ޓީވީއެމް އިން ގެނެސްދޭ ރަށްރަށުން ޕްރޮގުރާމްގައި މި ހަފްތާ ގެ އެޕިސޯޑުގައި ކުޅުދުއްފުށި ގެނެސްދިނުމަށް ހަމަޖެހިފައިވާކަމަށް ޕްރޮގުރާމްގެ ޕްރޮޑިއުސަރ އަހުމަދު ޒާހިރު(އުންމީދު ޒާހިރު) ވިދާޅުވެއްޖެ އެވެ.

އެކި ރަށްރަށުގެ ސަގާފީ ކަންކަމާއި އެރަށަކަށް ހާއްސަ ވެގެން ޒަމާނުންސުރެ ކުރެވެމުން އަންނަ ކަންކަމުގެ އިތުރުން މިހާރުގެ ޒުވާނުންގެ ހަރާކާތްތައްވެސް މި ޕްރޮގްރާމްގައި ގެނެސްދީފައި ވާނެ ކަމަށް ޒާހިރު ވިދާޅުވި އެވެ.

މި ހަފްތާ ކުޅުދުއްފުއްޓަށް ހާއްސަކޮށް ގެނެސްދޭ މި ޕްރޮގްރާމުގައި ޒަމާނުންސުރެ ކުޅުދުއްފުށީގައި ކުރަމުން އައި މަސައްކަތްތައް ދައްކާލެވޭނެ އެވެ. އެގޮތުން ހާލުފޮޅި ފިހުން އަދި މަންޑި ކުޅުމުމުގެ މަންޒަރުތަށް ދައްކާލުމަށް ހަމަޖެހިފައިވާ ކަމަށް ޒާހިރު ވިދާޅުވި އެވެ.

ހާލުފޮޅި އަޅައި މަންޒަރު ވީޑީއޯ ކުރަނީ–

އޭގެ އިތުރުން ކުޚުދުއްފުށީގެ ބޮޑުބެރު ގްރޫޕެއްކަމަށްވާ ދައްސޫރަ ބޮޑުބެރު ގުރޫޕުގެ ހަރަކާތްތަކާއި ކުރިއަރަމުން އަންނަ “އެމިއުޒާރސް” ގްރޫޕްގައި އެމީހުންގެ މަސައްކަތް ކުރެވެމުން އަންނަ ގޮތްވެސް މި ޕްރޮގްރާމްގައި ހިމެނުމަށް ހަމަޖެހިފައިވާ ކަމަށްވެސް ޒާހިރު ވިދާޅުވި އެވެ.

ރަށްރަށު ޕްރޮގްރާމްގައި ކުޅުދުއްފުށި ހިމަނާފައި މިވަނީ ފަހު އެޕިސޯޑުގެ ގޮތުގައި މީގެ އިތުރުން މި ޕްރޮގްރާމްގައި 3 ރަށެއް މައުލޫމާތު އެރަށްރަށުގެ ބަހުން ގެނެސްދީފައި ވާއިރު މި ޕްރޮގްރާމް ހާއްސަ ކުރެވިފައިވަނީވެސް އެރަށްރަށުގައި ވާހަކަ ދައްކާ އުޅޭގޮތާއި ބަހަށެވެ.

މި ޕްރޮގްރާމް ގެނެސްދިނުމަށް ހަމަޖެހިފައިވަނީ 17 ޖުލައި ވާ ހުކުރު ދުވަހުގެރޭ 11:30 ގަ އެވެ.