ނައިބު ރައީސްކަމުން ޖަމީލް ވަކިކުރައްވައިފި

ޕީޕީއެމް ސަރުކާރުގެ ނައިބު ރައީސް ކަމުގައި ހުންނެވި  ޑރ މުހައްމަދު ޖަމީލް އަހުމަދުގެ އިތުބާރު ނެތްކަމަށް ރައްޔިތުންގެ މަޖިލީހުން ނިންމައި އެބޭފުޅާ މަގާމުން ވަކިކުރައްވައިފ އެވެ.

ޑރ ޖަމީލް މަގާމުން ވަކިކުރީ މިއަދުގެ މަޖިލީހުގެ ޖަލްސާއަށް ވަޑައިގެންނެވި 80 މެންބަރުންގެ ތެރެއިން އެކަމަށް ތާއީދުކޮށް 78 މެންބަރުން ވޯޓު ދެއްވައިގެންނެވެ. އެކަމަށް ތާއީދު ނުކުރައްވާކަމަށް ވޯޓު ދެއްވީ 2 މެމްބަރުންނެވެ. ވަކިކޮޅަކަށް ވޯޓު ނުދެއްވާ މެންބަރެއް ނެތެވެ.

ނައިބު ރައީސް މަގާމުން ވަކިކޮށްފައި މިވަނީ ޑރ  ޖަމީލް  އިތުބާރު ނެތްކަމަށް ސަރުކާރުން ނިންމައި 61 މެންބަރުންގެ ސޮޔާއެކު ހުށަހެޅި މައްސަލައަށް ބަހުސް ކުރުމަށްފަހު މިއަދު ނެގި ވޯޓުންނެވެ.