މިނިވަން 50 ފާހަގަ ކުރުމުގެ ގޮތުން އަތޮޅުތެރޭގައި ކުރިއަށް ގެންދާ ސަގާފީ ކުޅިވަރުތައް ފެނިގެންދާ “ފުނަ ޝޯ”އަންނަ އޮގަސްޓްމަހު 7 ވަނަ ދުވަހާއި 8 ދުވަހު ބާއްވަން ނިންމައިފި އެވެ.
ކޮންމެ އަތޮޅެއްގެ ވެރިކަން ކުރާ ރަށުގައި ބާއްވަމުން ގެންދާ މި ހަރަކާތް ކުރިން ހދ އަތޮޅުގައި ބާއްވަން ހަމަޖެއްސީ މިދިޔަ ޖޫންމަހު އެވެ. އެހެންނަމަވެސް ތަފާތު ސަބަބުތަކާ ހުރެ ވަނީ ފަސްކޮށްފަ އެވެ.
ކުޅުދުއްފުށީ އޮންލައިނަށް މައުލޫމާތު ދެއްވަމުން އަތޮޅު ކައުންސިލްގެ މެންބަރު ހުސައިން ޝަގީފް ވިދާޅުވީ މިހާތަނަށް މިޝޯ ގައި ގާތްގަނޑަކަށް 6 ރަށެއްގެ 20 ގްރޫޕުން އައިޓަމްތައް ހުށަހެޅުމަށް ހަމަޖެހިފައިވާ ކަމަށެވެ.
ޝަގީފް ވިދާޅުވީ ހދ އަތޮޅުން މި މުބާރާތުގައި ބައިވެރިވެފައިވަނީ ނޭކުރަންދޫ، ކުމުންދޫ، ހަނިމާދޫ، ނޮޅިވަރަމް، މަކުނުދޫ އަދި ކުޅުދުއްފުށިން ކަމަށެވެ.
ޝަގީފް ވިދާޅުވީ މިނިވަން ފުނަ ސޯއަށް ތައްޔާރުވުމުގެ ކަންްތައްތައް ވަރަށް ބާރަށް ކުޅުދުއްފުށީ ކައުންސިލާ ގުޅިގެން ކުރިއަށްދާ ކަމަށެވެ.
މިޝޯ މިހާރު ފެށުމަށް ހަމަޖެހިފަވަނީ އޮގަސްޓްމަހު 7 ވަނަ ދުވަހު 4 ޖަހާއިރު ޒޯން ސްޓޭޑިއަމްގަ އެވެ.
މި ހަރަކާތައް ނިންމާލުމަށް ފަހު ކޮންމެ އަތޮޅަކުން ހޮވާލެވޭ ދެ ހަރަކާތަކާއި ބައެއް ކަހަލަ ހުނަރު ދައްކާލުމަށް މާލެ ގެންދިއުމަށް ވަނީ ހަމަޖެހިފަ އެވެ.
މިއަހަރުގެ ތިލަދެކުނު ގުރުއާން މުބާރާތް މަކުނުދޫގައި
ގުދުރަތީ ރީތިކަން ނުގެއްލޭގޮތަށް ހޮނިހިރު ބާޒާރު ސަރަހައްދު ތަރައްގީކުރަނީ
ގޮއިދޫ ކައުންސިލުން ތަރައްގީކުރި 'ދަރިވަރުންގެ ހިޔާ' ހުޅުވައިފި
ތަޖުރިބާކާރު ކަރުންމަތީގެ ޑޮކްޓަރު މައުރޫފް ކުޅުދުއްފުށީ ހާޖީ މެޑިކަލް ކުލިނިކަށް
