މާދަމާރޭ ބޭއްވުމަށް ހަމަޖެހިފައިވާ ސްޓޭޖް ޝޯ ފަސްކޮށްފި

މިނިވަން 50 ފާހަގަ ކުރުމުގެ ގޮތުން މާދަމާރޭ ބޭއްވުމަށް ހަމަޖެހިފައި އޮތް ސްޓޭޖް ޝޯ 31 ޖުލައިއަށް ފަސްކޮށްފި އެވެ.

ކުޅުދުއްފުށި އޮންލައިނަށް މައުލޫމާދު ދެއްވަމުން އަތޮޅު ކައުންސިލް މެމްބަރ އަބްދުލްލަތީފް ހަސަން ވިދާޅުވީ ޝޯ ފަސްކުރެވިފައިވަނީ މި ޝޯއަކީ ހުރިހާ ރަށެއްގައި އެއްވަގުތެއްގައި ކުރިއަށް ގެންދިއުމަށް ހަމަޖެހިފައިވާ ޝޯއެއް ކަމަށް ވާތީ ކަމަށެވެ.

މި ޝޯގައި ކުޅުދުއްފުށީގެ 4 ގްރޫޕެއް ހުށައަޅައި ދިނުމަށް ހަމަޖެހިފައިވާއިރު އޭގެ ތެރޭގައި ދެ ބޮޑުބެރު ގުރޭޕެއްގެ ހުށައެޅުންތަކާއި މިޔުޒިކް ގުރޫޕަކާއި ކުޅުދުއްފުށީގެ އަންހެނުންގެ ގުރޫޕެއްގެ ހުށައެޅުންތަށް ފެނިގެން ދާނެ އެވެ.

މި ޝޯ އަކީ ހދ އަތޮޅު ކައުންސިލުން އިންތިޒާމް ކޮށްގެން ކުރިއަށް ގެންދިއުމަށް ހަމަޖެހިފައިވާ ޝޯ އެކެވެ.

މީގެ އިތުރުން މިނިވަން 50 ފާހަގަ ކުރުމުގެ ގޮތުން ކުޅުދުއްފުށީގެ ހުރިހާ ސަރުކާރު މުއައްސަސާތަކެއްވަނީ ގައުމީ ކުލަތަކުން ދިއްލާލާފަ އެވެ. ރަށުގެ ބޮޑެތި މަގުތަކުގަވަނީ ގައިމީ ދިދަ ހަރުކޮށްފަ އެވެ.