ޖަލާލުއްދީން ސްކޫލުގައި ސްކައުޓުން އެކުލަވާލައި، ސްކައުޓް ހަރަކާތްތައް ފަށައިފި

ޖަލާލުއްދީން ސްކޫލުގައި ސްކައުޓުން އެކުލަވާލައި، ސްކައުޓް ހަރަކާތްތައް ފަށައިފި އެވެ.

ސްކައުޓް ހަރަކާތްތައް ފެށުމުގެ ގޮތުން ރޭ އެސްކޫލުގެ ފުރަތަމަ ސްކައުޓް ގުރޫޕް ވަނީ ހުވައިކޮށްފަ އެވެ. 27 ސްކައުޓުން ހުވާކުރި މި ރަސްމިއްޔާތް ޝަރަފްވެރިކޮށްދެއްވީ ދިވެހި ރާއްޖޭގެ ސްކައުޓް އެސޯސިއޭޝަންގެ ނައިބް ރައީސް އަލްފާޟިލް އަހުމަދު އަލިމަނިކެވެ.

ރަސްމިއްޔާތުގައި ވާހަކަފުޅު ދައްކަވަމުން އަލިމަނިކު ވިދާޅުވީ ސްކައުޓަކަށްވުމަށްފަހު އެދަރިވަރަކީ އަބަދުވެސް ސްކައުޓެއް ކަމަށާއި ހުވަޔާއި އެގޮތަށް އަބަދުވެސް މަސައްކަތްކުރުމަށް ދަރިވަރުންގެ ކިބައިން އެދިލައްވާފަ އެވެ.

ރޭ ހުވާކުރި ދަރިވަރުން–

އެބޭފުޅާގެ ވާހަކަގައި ސްކައުޓްގެ ތާރިހާއި ސްކައުޓުންގެ ދައުރާ ބެހޭ ގޮތުން ވާހަކަފުޅު ދައްކަވާފަ އެވެ. އަދި ސްކައުޓްގެ ރޮގުގައި ހުރި ކުރިއެރުންތައްކަށް އަލިއަޅުވާ ވާހަކަ ދެއްކެވި އެވެ.

މި ރަސްމިއްޔާތުގައި ވާހަކަފުޅު ދައްކަވަމުން ޖަލާލުއްދީން ސްކޫލުގެ ޕްރިންސިޕަލް މަހުދީ ޝާހިދު ވިދާޅުވީ ސްކައުޓް ހަރަކާތް އެސްކޫލުގައި ފެށުމަކީ ވަރަށް ބޮޑު ހުވަފެނެއް ހަގީގަތަކަށްވުން ކަމަށެވެ. އަދި މި ހަރަކާތް ނުހުއްޓި އެސްކޫލުގެ ކުރިއަށްގެންދިއުމަށް ޕްރިންސިޕަލް އެދިލެއްވި އެވެ.

ސްކައުޓް އެސޯސިއޭޝަންގެ ރައީސަށް ހަނދާނީ ހަދިޔާއެއް ސްކޫލުގެ ފަރާތުން ޕްރިންސިޕަލް އަރުވަނީ–

ޖަލާލުއްދީން ސްކޫލުގެ ފުރަތަމަ ސްކައުޓް ގުރޫޕްގެ 27 ދަރިވަރުންނަށް ހުވައިކޮށްދެއްވީ ހދ އަތޮޅު ތައުލީމީ މަރުކަޒުގެ ސްކައުޓް ލީޑަރ އަހުމަދު ފަހީމެވެ.

ރޭ ހުވާ ކުރި ދަރިވަރުންނަށް ސްކަފާއި ސެޓްފިކެޓް ހަވާލުކޮށްދެއްވީ ޖަލާލުއްދީން ސްކޫލުގެ ޕްރިންސިޕަލް މަހްދީ ޝާހިދެވެ.

މި ރަސްމިއްޔާތުގައި ޖަލާލުއްދީން ސްކޫލްގެ ވެރިންނާ ފަސްޓް ހދ ސްކައުޓްގެ ބޭފުޅުން ބައިވެރިވި އެވެ.