މުޅި މުބާރާތުން އެއްވަނަ ޝާލިޔާ ހޯދިއިރު އެއްވަނަ ހައުސްއަކަށް ޢާޒީ ހައުސް

އަފީފުއްދީން ސްކޫލްގެ 12 ވަނަ އިންޓަރ ހައުސް ގުރުއާން ކިޔެވުމުގެ މުބާރާތުން އެއްވަނަ އައިޝަތު ޝާލިޔާ ހޯދައިފި އެވެ.

ޖުމްލަ 138 ދަރިވަރުންނާއި ވާދަކޮށް މުބާރާތުގައ އެއްވަނަ ގްރޭޑް 6 ގެ ދަރިވަރު އައިޝަތު ޝާލިޔާ ހޯދިއިރު ދެ ވަނަ 2 ދަރިވަރުން އަދި ތިންވަނަ 3 ދަރިވަރަކު ހޯދާފައި ވެއެވެ.

ދެ ވަނަ ހޯދި 2 ދަރިވަރުންނަކީ ގްރޭޑް 6 ގެ ދަރިވަރު އާމިނަތު އިބާ އާދަމް އަދި ގްރޭޑް 2 ގެ ދަރިވަރު ފާތިމަތު ލައުޒާ އެވެ.

ދެވަނައަށް ދިޔަ އިބާ އަދި ލައުޒާ

މުބާރާތުން 3 ވަނައަށް ތިން ދަރިވަރަކު ގޮސްފައިވެ އެވެ. އެކުދިންނަކީ ގްރޭޑް 5 ގެ ދަރިވަރު އައިމިނަތު މައިހާ މުހައްމަދު، ގްރޭޑް 5 ގެ ދަރިވަރު އައިޝަތު ހަނާން އިލްޔާސް އަދި ގްރޭޑް 1 ގެ ދަރިވަރު އަހުމަދު މައާދު މުހައްމަދެވެ.

3 ވަނަ ހޯދި ހަނާން، މައާދު އަދި މައިހާ

މުޅި މުބާރަތުން އެއްވަނަ ޢަޒީ ހައުސަށް ލިބުނު އިރު ދެވަނަ ހޯދީ މަޖީދީ ހައުސެވެ. އަދި 3 ވަނަ ލިބިފައިވަނީ ފަރީދީ ހައުސަށެވެ.

މި މުބާރާތުގައި ބަލައިގެން ކިޔެވުމުގެ ގޮފިން ބައިވެރިވެފައިވަނީ 84 ދަރިވަރުންނެވެ. އަދި ނުބަލާ ކިޔެވުމުގެ ގޮފިން 54 ދަރިވަރުންނެވެ.