އުތުރުގެ 3 އަތޮޅުގެ ފުލުހުން އިދާރާގެ ވެރިންނަން ބޭއްވި މަހާސިންތާ ނިންމާލައިފި

އަޕަރ ނޯތު ޕޮލިސް ޑިވިޜަންގައި ޤާއިމްކޮށްފައިވާ ޕޮލިސް ސްޓޭޝަންތަކުގެ އިންޗާޖުންގެ ފުރަތަމަ މަހާސިންތާ އިއްޔެ ނިންމާލައިފި އެވެ.

ހުކުރު ދުވަހު ކުޅުދުއްފުށީގައި ފެށި މިމަހާސިންތާގައި އުތުރުގައި ގާއިމްކޮށްފައިވާ 12 ޕޮލިސް ސްޓޭޝަނުގެ އިންޗާޖުން ބައިވެރިވި އެވެ.

މިމަހާސިންތާ ނިންމުމުގެ ރަސްމިއްޔާ ޝަރަފްވެރިކޮށްދެއްވާ ބައިވެރިންނަށް ސެޓްފިކެޓް ހަވާލުކޮށްދެއްވީ ގައުމީ ޔުނިވަރސިޓީ ކުޅުދުއްފުށީ ބުރާންޗްގެ މެނޭޖަރ އިބްރާހިމް މުހައްމަދެވެ.

ނިންމުމުގެ ރަސްމިއްޔާތު ޝަރަފްވެރި މެހެމާން ވާހަކަ ދައްކަވަނީ–

މި މަހާސިންތާގައި މަޝްވަރާކުށްފައިވަނީ ކުށްމަދުކުރުމަށް ކުރެވިދާނެ ކަންތައްތަކާއި ތަހްޤީޤުގެ ދާއިރާ ހަރުދަނާކޮށް މައްސަލަތަކުގެ ތަހްޤީޤު އަވަހަށް ނިންމަން ކުރެވިދާނެކަންކަންމާ ބެހޭ ގޮތުންނެވެ. އަދި މުވައްޒަފުންގެ ގާބިލްކަން އިތުރުކުރުމަށް ތަފާތު ގޮތްގޮތުން ކުރެވެންހުރި ކަންކަމާއި ކަސްޓޯޑިއަލް ފެސިލިޓީތައް ހަރުދަނާކުރުމާއި ހިންގުން ހަރުދަނާ ކުރުމާ ގުޅޭގޮތުން ކަމަށް ފުލުހުން ބުނެ އެވެ.

މި މަހާސިންތާގައިފުލުހުންނާ ގުޅުންހުރި ދާއިރާތަކުން ހިޔާލު ހޯދައި މަސްވަރާކޮށްފައިވެ އެވެ.

މަހާސިންތާގެ ބައިވެރިން–

މި މަހާސިންތާގައި މަޝްވަރާކޮށް ނިންމާ ނިންމުންތައް ޑިވިޜަނަލް އޮޕަރޭޝަންސް ކޮމާންޑާ ހިއްސާކޮށް އެ ކަންތައްތައް ތަންފީޒްކުރުމުގެ މަސައްކަތްތައް އެ ކޮމާންޑްގެ މަޝްވަރާގެ މަތިން ކުރިއަށްގެންދާގޮތަށް ވަނީ ހަމަޖެހިފައެވެ.

މަހާސިންތާގެ ބައިވެރިން ފޮޓޯއަކަށް ހުއްޓިލައިގެން–

މި ރަސްމިއްޔާތުގައި އަޕަނޯތް ޑިވިޜަންގެ ކޮމާންޑަރ އިންޕެކްޓަރ އޮފް ޕޮލިސް ނަސްރުﷲ ޖަލީލާއި ހއ. އަތޮޅު ކޮމާންޑަރު ޕޮލިސް ސްޓޭޝަން އިންސްޕެކްޓަރ މުހައްމަދު އަބްދުﷲ އާއި ހދ. އަތޮޅު ވަގުތީގޮތުން ހިންގުމާ ހަވާލުވެ ހުންނެވި ޕޮލިސް ސްޓޭޝަން އިންސްޕެކްޓަރ އަޙްމަދު އަލީއާއި ށ. އަތޮޅު ކޮމާންޑަރ ސަބް އިންސްޕެކްޓަރ އޮފް ޕޮލިސް އިބްރާހިމް މުސްތަފާގެ އިތުރުން އަޕަރ ނޯތު ޕޮލިސް ޑިވިޜަންގެ 3 އަތޮޅެއްގައި ޤާއިމްކުރެވިފައިވާ 12 ޕޮލިސް ސްޓޭޝަންގެ އިންޗާޖުންނާއި ކޮންމެ އަތޮޅަކުން ކަސްޓޯޑިއަލް އިންޗާޖަކާއި ޓީމް ލީޑަރަކާއި އައި.އޯ. ޓީމް ލީޑަރެއް ބައިވެރިވެއެވެ.

[yass cats=179]