ކުޅުދުއްފުއްޓަކީ ކަމަށް ކަމޭހިތާ އެއްބައިވަންތަ ރައްޔިތަކު ދިރުއުޅެމުންދާ ރަށެއް: އައްބާސް އިބްރާހިމް

ކުޅުދުއްފުއްޓަކީ ކަމަށް ކަމޭހިތާ އެއްބައިވަންތަ އެހެން މީހުންނަށް ނަމުނާ ދެއްކި ރަށެއް ކަމަށާއި އަދި މިނިވަންކަމަށް އިހްތިރާމް ކުރާ ބައެއް ދިރިއުޅެމުންދާ ރަށެއްކަމަށް ނިޝާން އިއްޒުއްދީންގެ އިތްޒަތްތެރިވެރިޔާ އައްބާސް އިބްރާހިމް ވިދާޅުވެއްޖެ އެވެ.

އައްބާސް އިބްރާހިމް މިހެން ވިދާޅުވީ މިއަދު ހދ އަތޮޅު “ފުނަ” ހަރަކާތް ކުޅުދުއްފުށީގައި އިފްތިތާހު ކޮށްދެއްވުމަށް އަފީފުއްދީން ސްކޫލްގައި ރަސްމިއްޔާތުގަ އެވެ.

މި ރަސްމިއްޔާތު ޝަރަފުވެރިކޮށްދެއްވާ އެމަނުކުފާނު ދެއްކެވި ވާހަކާގައި ކުޅުދުއްފުއްްޓަކީ މިނިވަންކަމަށް މަސައްކަތްކުރެއްވި ގިނަ ދަރިންތަކެއް އުފެދުނު ރަށެއް ކަމަށާޢި އެ ގޮތުން ކުޅުދުއްފުށީގެ ޝަހީދު ހުސެއިން އާދަމް އަކީ މިނިވަންކަމުގެ ރަމްޒެއްގޮތުގައި ފާހަގަ ކުރެވޭ ބޭފުޅެއްކަމަށެވެ.

އޭގެ އިތުރުން ބޮޑު ތަދުގެ ދުވަސްވަރާއި ރާއްޖެ ބޭރުގެ އަޅުވެތިކަމުގައި އޮތްދުވަސް ވަރު ކުޅުދުއްފުށީގެ ރައްޔިތުން ދެއްވި ހިތްވަރާއި މަސައްކަތްތަކުގައި ކުރިއަރާފައިވާ މިންވަރު ފާހަގަ ކުރައްވަމުން އެމަނިކުފާނުވަނީ ރާއްގެ ބޭރުގެ އަޅުވެތިކަމަށް ދިޔަ ގޮތާއި މިނިވަންކަން ހޯދުމަށް ކުރެއްވި މަސައްކަތްތަކަށް އަލި އަޅުވާލާފައެވެ.

މި ރަސްމިއްޔާތުގައި އިކޮނިމިކް ޑިވެލޮޕްމެންޓް ނައިބް އަބްދުﷲ މުހައްމަދު ދެއްކެވި ވާހަކާގައި މިނިވަންކަން ހޯދުމަށްް ވުރެ މިނިވަންކަން ދެމެހެއްޓުމަކީ ބުރަ މަސެއްކަތެއްކަމަށާއި އަމިއްލަ މަސްލަހަތައް ވުރެ ގައުމުގެ މަސްލަހަތު އިސްކޮށް އަމިއްލަ ފިކުރަށް ވުރެ ގައުމުގެ ވިސްނުން އިސްކޮށްގެން ނުނީ ގައުމު ކުރިއަށް ނުދާނެ ކަމަށެވެ.

ހދ އަތޮޅުކައުންސިލްގެ ރައީސް އާދަމް ނާސިރު ވިދާޅުވީ މިހާރުގެ ކުދިންނަށް އުވެމުންދާ ޝަގާފަތާއި ދިވެހިންގެ އާދަކާދަތައް ދަސްކޮށްދިނުމަކީ މުހިއްމު ކަމެއްކަމަށާއި ދިވެހިބަހަށް ވުރެ އިިގިރޭސި ބަހަށް ދަރިވަރުންގެ ދޭ އަހައްމިއްޔަތުން ކަން ބޮޑުވެފައިވުން މިއީ ހިތާމަ ކުރަން ޖެހޭ ކަމެއްކަމަށް ވިދާޅުވި އެވެ.