ސްޕޯޓްސް އެރީނާ ޕްރޮޖެކްޓުގެ ދަށުން 22 ރަށެއްގައި ފުޓްސަލް ދަނޑާއި 82 ރަށެއްގައި ބަށި ކޯޓުތަކެއް އެޅުމުގެ މަސައްކަތް މޯލްޑިވްސް ރޯޑް ޑެވެލޮޕްމެންޓް ކޯޕަރޭޝަން (އެމްއާރްޑީސީ) އާ ހަވާލުކޮށްފިއެވެ.
ފުޓްސަލް ދަނޑުތަކާއި ބަށި ކޯޓުތައް އެޅުމުގެ މަސައްކަތް އެމްއާރްޑީސީ އާ ހަވާލުކުރުމަށް ގަލޮޅު ރަސްމީ ދަނޑުގައި މިއަދު ސޮއިކުރެއްވި ޔޫތު މިނިސްޓްރީގެ ފަރާތުން އެ އެއްބަސްވުމުގައި ސޮއިކުރެއްވީ ކުޅިވަރާބެހޭ ވަޒީރު އަހްމަދު ޒުހޫރެވެ. އެމްއާރްޑީސީގެ ފަރާތުން މި އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިން ޑައިރެކްޓަރު އިބްރާހިމް ނަޒީމް އެވެ.
މި އެއްބަސްވުމުގެ ދަށުން ފުޓްސަލް ދަނޑުތައް އަޅަން ހަމަޖެހިފައިވަނީ ހދ. ކުމުންދޫ އާއި ހދ. މަކުނުދޫ އާއި ހދ. ނޭކުރެންދޫ އާއި ހދ. ނޮޅުވަރަންފަރު އާއި ރ. ހުޅުދުއްފާރު އާއި ރ. އިނގުރައިދޫ އާއި ރ. މީދޫ އާއި ރ.އުނގޫފާރާއި ފ. ބިލެއްދޫ އާއި ފ. ނިލަންދޫ އާއި ލ. ފޮނަދޫ އާއި ގއ. ދާންދޫ އާއި ގއ. ގެމަނަފުށްޓާއި ގއ. ކޮލަމާފުއްޓާއި ގއ. މާމެންދޫ އާއި ގދ. ފިޔޯރީ އާއި ގދ. މަޑަވެލި އާއި ގދ. ރަތަފަންދޫ އާއި ގދ. ފަރެސްމާތޮދާ ގދ. ތިނަދޫ އަދި އައްޑޫ ސިޓީ މަރަދޫ ފޭދޫގައެވެ.
އަދި ބަށި ކޯޓުތައް އަޅަން ހަމަޖެހިފައިވަނީ ހއ. އަތޮޅުގެ 11 ރަށަކާއި ހދ. އަތޮޅުގެ 12 ރަށަކާއި ބ. އަތޮޅުގެ 8 ރަށަކާއި ޅ. އަތޮޅުގެ އެއް ރަށަކާއި ކ. އަތޮޅުގެ އެއް ރަށަކާއި ވ. އަތޮޅުގެ ދެ ރަށާއި މ. އަތޮޅުގެ ދެ ރަށާއި ފ. އަތޮޅުގެ ހަތަރު ރަށަކާއި ލ. އަތޮޅުގެ 8 ރަށާއި ގއ. އަތޮޅުގެ 8 ރަށަކާއި ގދ. އަތޮޅުގެ 9 ރަށަކާއި އަދި އައްޑޫ ސިޓީގެ ހަތަރު ރަށެއްގައެވެ.
ސޮއިކުރުމުގެ ރަސްމިއްޔާތުގައި މިއަދު ވާހަކަ ދައްކަވަމުން ކުޅިވަރާބެހޭ ވަޒީރު އަހްމަދު ޒުހޫރު ވިދާޅުވީ އެއްބަސްވުމުގެ ދަށުން ހަ މަސް ދުވަހުގެ ތެރޭގައި މި މަސައްކަތް އެމްއާރްޑީސީ އިން ނިންމާ ޔޫތު މިނިސްޓްރީ އަށް ފުޓްސަލް ދަނޑުތަކާއި ބަށި ކޯޓުތައް ހަވާލުރަން ޖެހޭނެ ކަމަށެވެ.
ކުޅުދުއްފުށީގައި ބާއްވާ ހިޔަލަ މައުރަޒު މާދަމާ ހުޅުވާލާނެ
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
