ޕްރެޒިޓެންޓް ކަޕަށް ކައުންސިލުން ދަނީ ގިނަ ތައްޔާރީތަކެއް ވަމުން

މި ސެޕްޓެމްބަރު މަހު 15 ގައި ފެށުމަށް ހަމަޖެހިފައިވާ ޕްރެޒިޑެންޓް ކަޕަށް ކުޅުދުއްފުށީ ކައުންސިލުން ދަނީ ގިނަ ތައްޔާރީތަކެއް ވަމުންކަމަށް އެ ކައުންސިލުން ބުނެފިއެވެ.

ކުޅުދުއްފުށި އޮންލައިނަށް މައުލޫމާތު ދެމުން ކައުންސިލް މެންބަރު އިބްރާހިމް އައްބާސް ވިދާޅުވީ ކުޅުންތެރިން ތިބުމަށް ރޫމް ހޯދާ އެކަން އެފްއޭއެމް އަށް އަންގާފައި ވާނެ ކަމަށާއި، އަދި ދަނޑު ގެ ވިނަ ގަނޑު އެއްވަރުކޮށް ފައިވާނެ ކަމަށެވެ.

އޭގެ އިތުން ސްޓޭޑިއަމްގެ ރޫމްތަކުގައި ކުލަ ލުމާއި ދަނޑުގެ ގޯލް ޕޯސްޓް އެއްވަރުކުރުމަށް ވެސް އެފްއޭއެމްއިން އަންގާފައިވާ ކަމަށާއި އެހެންނަމަވެސް އެމަސައްކަތް ނުފެށިވަނީ ޔޫތް މިނިސްޓްރީގެ ހުއްދަ ނުލިބޭތީ ކަމަށް އައްބާސް ވިދާޅުވި އެވެ.

މި ސެޕްޓެމްބަރ މަހު 15-29 ބޭއްވުމަށް ހަމަޖެހިފައިވަ މި މުބާރާތް ބޭއްވުމަށް ހަމަޖެހިފައިވަނީ ކުޅުދުއްފުށި އަދި އައްޑޫގަ އެވެ. މި މުބާރާތުގެ ފައިނަލް މެޗް އޮންނާނީ އެމަހު 29 ވަނަ ދުވަހު އައްޑޫގަ އެވެ.

ޕްރެޒިޑެންޓް ކަޕަށް ކޮލިފައިވަނީ ދިވެހި ލީގުގެ ގަދަ ހަތަރު ޓީމު ނަމަވެސް އެފްއޭއެމްގެ ނޯލައިޒޭޝަން ކޮމިޓީން ފުޓްބޯޅަ ސީޒަންގެ މުބާރަތްތަކަށް ގެނައި ބައެއް ބަދަލު ތަކުގެ ތެރޭގައި މިހާރު ޕްރެޒިޑެންޓް ކަޕްގައި ވާދަ ކުރަ ގޮތަށް ހަމަޖައްސާފައި ދިވެހި ލީގްގެ އަށްޓީމެވެ.

ޕްރެޒިޑެންޓް ކަޕްގައި ކުޅުދުއްފުށީގައި ކުޅުމަށް ހަމަޖެހިފައިވަނީ ގްރޫޕް އޭ ގެ މެޗުތަކެވެ. މިގްރޫޕްގައި ހިމެނެނީ ނިއުރޭޑިއަންޓް، ބީޖީ، ޓީސީ އަދި މަހިބަދޫއެވެ. ފުރަތަމަ މެޗުގައި ބައްދަލު ކުރާނީ ނިއު އާއި ބީޖީ އެވެ.