އަފީފުއްދީން ސްކޫލުގައި ކެޑޭޓް އިފްތިތާހުކޮށް, ކެޑޭޓުންނަށް ހަތިޔާރު ހަވާލުކޮށްދީފި

އަފީފުއްދީން ސްކޫލުގައި ކެޑޭޓް ކޯ އިފްތިތާހުކޮށް ކެޑޭޓުން ހުވާކޮށް ހަތިޔާރު ހަވާލުުކުރުމުގެ ރަސްމިއްޔާތު މިއަދު ބާއްވައިފި އެވެ.

އަފީފުއްދީން ސްކޫލްގެ ހޯލްގައި މިއަދު ހަވީރު ބޭއްވި މި ރަސްމިއްޔާތުގައި 86 ކެޑޭޓުން ވަނީ ހުވާކޮށްފަ އެވެ. އެއީ އަފީފުއްދީން ސްކޫލްގެ ސީނިއަރ 48 ކެޑޭޓުންނާއި ޖޫނިއަރ 32 ކެޑޭޓުން އަދި ޖަލާލުއްދީން ސްކޫލްގެ 6 ކެޑޭޓުންނެވެ.

އަފީފުއްދީން ސްކޫލުގެ ޖޫނިއާރ ކެޑޭޓުން–

މިއީ މާލެ އުތުރުގައި ޖޫނިއާރ ކެޑޭޓުން އެކުލަވާލި ފުރަތަމަ ސްކޫލްކަން ފާހަގަކޮށްލެވެ އެވެ.

މީގެ ތެރެއިން 54 ކެޑޭޓުން ވަނީ ހަތިޔާރާ ހަވާލުވެފައި އެވެ.

ޑެޓޭޓުނާއި ހަތިޔާރު ހަވާލުކޮށްދެއްވަނީ–

މިރަސްމިއްޔާތު ޝަރަފްވެރިކޮށްދެއްވީ ޤައުމީ ކެޑޭޓް ކޯޕްސްގެ ޑެޕިއުޓީ ޑިރެކްޓަރ ޖެނެރަލް ކާނަލް އަހުމަދު އިޝާން އެވެ.

ކެޑޭޓުންނަށް ހުވާލާ ދެއްވީ ހދ އަތޮޅު ޖުޑިސަލް ހިންގުމާ ހަވާލުވެ ހުންނެވި ކުޅުދުއްފުށީ ކޯޓްގެ މެޖިސްޓްރޭޓް އަލީ އަދާމެވެ. އަދި ހަތިޔާރު ހަވާލުކުރެވޭއިރު އަންގާ އެންގުމާއި ހަތިޔާރު ހަވާލުކޮށްދެއްވީ އެމްއެންޑީއެފްގެ ނޮދާން އެރިޔާގެ އެސް 1 ލެފްޓިނަންޓް އަހުމަދު އިރުފާން އެވެ.

ކެޑޭޓް ހަތިޔާރު ހަވާލުވަނީ–ފޮޓޯ–

މި ރަސްމިއްޔާތުގެ ނިންމުން ރިޕޯރޓް ކޮށްދެއްވާފައި ވަނީ ކެޑޭޓް ކޯޕަރަލް ސުހާދު އަހުމަދު އެވެ.

އަފީފުއްދީން ސްކޫލުގައި ކެޑޭޓުން ހުވާކުރެވިފައިމިވަނީ އެސްކޫލުގައި ކެޑޭޓް އުފެދުނުތާ 5 އަހަރު ފަހުންނެވެ.