އެސްޓީއޯ ކުޅުދުއްފުށީ މަސްރޭހުގައި ބައިވެރިވުމުގެ ފުރުސަތު ހުޅުވާލައިފި

އެސްޓީއޯ ކުޅުުދުއްފުށީ ބްރާންޗުގެ ފަރާތުން އަޟްހާ އީދާ ދިމާކޮށް ކުޅުދުްއްފުށީގެ ކުންފުނިތަކާ އޮފީސްތަކަށް ހުޅުވައިލައިގެން ކުރިއަށް ގެންދިއުމަށް ހަމަޖެިހފައިވަ އެސްޓީއޯ މަސްރޭހުގައި ބައިވެރި ވުމުގެ ފުރުސަތު ހުޅުވާލައިފި އެވެ.

އީދު ފުރަތަމަ ދުވަހު ގެ ހަވީރު ފެށުމަށް ހަމަޖެހިފައިވާ މި މުބާރާތުގައި ބައިވެރިވުމުގެ ފުރުސަތު ދެވެނީ މި މުބާރާތުގައި ބައިވެރިވުމަށް އެދޭ ފޯމް ފުރިހަމަކޮށް ހުށައަޅާ ފަރާތްތަކުގެ ތެރެއިން ފުރަތަމަ 12 ކުންފުނިތަކަށް ނުވަތަ އޮފީސްތަކަށް ކަމަށް އެސްޓީއޯއިން މައުލޫމާތު ދެއެވެ.

މި މުބާރާތުގެ އާންމު ގަވައިދުގައި ވާގޮތުން ކޮންމެ ޓީމެއްގައިވެސް ބައިވެރިވެވޭނީ މަދުވެގެން 6 މެންބަރުން އަދި ގިނަވެގެން 12 މެންބަރުން ކަމަށެވެ. އަދި 12 މެންބަރުންގެ ޓީމުގައި ހުސް ފިރިހެން ނުވަތަ ހުސް އަންހެން އަދި އަންހެން ،ފިރިހެން މެންބަރުން ހިމެނޭ ގޮތަށް ވެސް ޓީމް އެކުލަވައި ލެވިދާނެ ކަމަށް އެސްޓީއޯ ކުޅުދުއްފުށީ ފިހާރައިން ނެރެފައިވާ ގަވައިދުގައި ވެއެވެ. އެހެން ނަމަވެސް ޓީމްގައި ހިނެމޭ މެންބަރުން ވާންޖެހޭނީ އެ މުއައްސަސާއެއްގައި ރަޖިސްޓްރީ ކުރެވިފައިވާ މުވައްޒިފަކަށްކަމަށް އެގަވައިދުގައި ވެއެވެ.

މި މުބާރާތުގެ އެއްވަނަ ޓީމަށް ހަމަޖެހިފައިވާ އިނާމަކީ 5000 ރުފިޔާ އެވެ. އަދި 2 ވަނަ އަށް ދާ ޓީމަކަށް 3000 ރުފިޔާ އެވެ. އޭގެ އިތުރުން އެންމެ ގިނަ މަސް ބޭނި މަސްވެރިޔާ އަދި އެންމެ ބަރުމަސް ބޭނި މަސްވެރިޔާ ހޮވުމަށް ވަނީ ހަމަޖެހިފަ އެވެ.

މި މުބާރާތުގައި ބައިވެރިވުމަށް އެދޭ ފޯމާއި މުބާރާތުގެ ގަވައިދު “އެސްޓީއޯ ކުޅުދުއްފުށި މަސްރޭސް 2015” ފޭސްބުކް ޕޭޖުން ޑައުންލޯޑް ކުރެވޭނެ އެވެ.