“ކަނެކްޓެޑް ވިމަން ޕްރޮގްރާމް” އުރީދޫއިން ރާއްޖޭގައި ތައާރަފްކޮށްފި

ޖީއެސްއެމްއޭގެ “ކަނެކްޓެޑް ވިމެން ޕްރޮގްރާމް” އުރީދޫއިން މިއަދު ދިވެހި ރާއްޖެއަށް ތައާރަފްކޮށްފި އެވެ.

މި ޕްރޮގްރާމް ހާއްސަ ކުރެވިފައިވަނީ މޮބައިލް ބެނުން ކުރައްވާ ފަރާތުން ފެށިގެން މޮބައިލް އިންޑަސްޓްރީގައި ހަރަކާތްތެރިވާ މުވައްޒަފުންނާއި އިސްވެރިންގެ ތެރޭގައި އަންހެން ބޭފުޅުން ގެ ހިއްސާ އިތުރުވުމާއި އެކު ލިބިގެންދާ އިޖްތިމާއި އަދި އިގްތިސާދީ ފައިދާތަކަށެވެ.

އެގޮތުން މި ޓެކްނޮލިޖީގެ ބޭނުން ހިފައިގެން އަންހެން ބޭފުޅުންނަށް ބަރުވެރިކަން ހޯދައިދިނުމަށްޓަކައި މަސައްކަތްކުރައްވަން ބޭނުންވާ ބޭފުޅުންނަށް އުރީދޫއިން 50،000 ރުފިޔަގެ އެހީއެއް ލިބުމުގެ ފުރުސަތުވެސް ވަނީ ހުޅުވާލާފަ އެވެ.

އެގޮތުން އަންހެން ބެފުޅުން ހިއްސާވާ ޑިޖިޓަލް އިކޮނޮމީ އެއް ގާއިމްކުރުމަށް ހަރަކާތްތެރިވަމުންދާ ކަނެކްޓެޑް ވިމެން ޕްރޮގްރާމުގެ ޕާރޓްނަރ އެއްގެ ގޮތުން އުރީދޫ އިން މަސައްކަތްކުރަމުންދާނީ އަންހެން ބޭފުޅުންނަށާއި ދިވެހިރާއްޖޭގެ މޮބައިލް އީކޯސިސްޓަމްއަށް ފާހަގަކުރެނިވި ކުރިއެރުމެއް ގެނެސްދިނުމަށެވެ.

އޭގެ އިތުުރުން މި ޕްރޮގްރާމްގެ ދަށުން މިއަދު ވަނީ “ސްމާޓް އައިޑިއާސް ފޯ ވިމެން” ގެ ނަމުގައި ހާއްސަ ޗެލެންޖެއް ވެސް ފަށައިފަ އެވެ. މި ޗެލެންޖަކީ ދިވެހި އަންހެނުންނަށް މިވަގުުތު ދިމާވަމުންދާ ގޮންޖެހުންތައް ދިރާސާކޮށް، ފަހުގެ ޓެކްނޮލޮޖީތައް ބޭނުންކޮށްގެން އެކަންކަމަށް ހައްލެއް ގެނެސްދިނުމަށްޓަކައި ފޯރުކޮށްދެވިދާނެ ތަފާތު ސްމާޓް ސޮލިއުޝަން ތަކާއިމެދު ހޭލުންތެިކުރުމުގައި އެހީތެރިވާނެ ޕްރޮގްރާމެކެވެ.