ކުޅުދުއްފުށީ ގެއަކުން ވަޅޯމަސްތަކެއް ވަގަށް ނެގި މީހަކު ބާރަށުން ހައްޔަރު ކޮށްފި

ކުޅުދުއްފުށީ ގެއަކުން ވަޅޯމަސްތަކެއް ވަގަށްނެގި ކަމުގެ ތުހުމަތުގައި ހއ. ބާރަށުން މީހަކު ހައްޔަރުކޮށްފި އެވެ.

ފުލުހުން މައުލޫމާތު ދޭ ގޮތުގައި މި މައްސަލައާ ގުޅިގެން ކޯޓު އަމުރެއްގެ ދަށުން ހައްޔަރުކޮށްފައިވަނީ 23 އަހަރުގެ ދިވެހި ފިރިހެނެކެވެ.

ފުލުހުން ބުނީ އޭނާ ހައްޔަރުކޮށްފައިވަނީ މި މަހުގެ 08 ވަނަ ދުވަހުގެ ވަގުތެއްގައި ކުޅުދުއްފުށި، ސިތާރާވިލާ ގޭގެ ބަދިގެ ތެރޭގައި ބަހައްޓާފައިހުރި ވަޅޯމަސްތަކެއް ވަގަށްނެގި ކަމުގެ ތުހުމަތުގައި ކޯޓު އަމުރެއްގެ ދަށުން އިއްޔެގެ ހެނދުނދުގެ ވަގުތެއްގައި ކަމަށެވެ.

ފުލުހުން މި މައްސަލަ އިތުރަށް ތަހުގީގު ކުރަމުން އަންނައިރު، އެ މީހާ ބަންދުގެ މުއްދަތަށް 15 ދުވަސް، ކުޅުދުއްފުށީ ކޯޓުން ވަނީ ޖަހައިދީފަ އެވެ.

މި މައްސަލައިގައި ހައްޔަރުކޮށްފައިވަނީ ކޮން ރަށެއްގެ މީހެއް ކަމެއް ފުލުހުން ހާމަކޮށްފައެއް ނުވެއެވެ. އެހެންނަމަވެސް މި މީހަކީ ވައްކަމާއި މަކަރާއި ހީލަތް ހެދުމާއި މަސްތުވާތަކެތީގެ މައްސަލަތަކުގެ ރެކޯޑް އޮންނަ މީހެއް ކަމަށް ފުލުހުން ބުންޏެވެ.