މޫސުން ގޯސްވެ ބައެއް ސަރަހައްދުތަކަށް ޔެލޯ އެލާޓް ނެރެފި

މޫސުން ގޯސް ވުމާއި ގުޅިގެން ބައެއް ސަރަހައްދުތަކަށް ޔެލޯ އެލާޓް ނެރެފިއެވެ.

މޯލްޑިވްސް މީޓިއޮރޮލޮޖިކަލް ސެންޓަރު (މެޓް) އިން ޔެލޯ އެލާޓް ނެރެފައިވަނީ، ތިލަދުންމައްޗަށާއި ހުވަދު އަތޮޅަށް މިއަދު ހަވީރު ފަހެއް ޖެހުމާއި ހަމައަށެވެ.

މެޓް އޮފީހުން ނެރުނު އެލާޓްގައި ބުނެފައިވަނީ، އެ ސަރަހައްދުތަކަށް ގަޑިއަކު 30 މޭލާ 38 މޭލާ ދެމެދު ބާރުމިނެއްގައި ވައިޖެހޭނެ ކަމަށެވެ. އަދި ވިލާގަނޑުގައި 55 މޭލަށް ވައިގަދަވާނެ ކަމަށް ލަފާކުރެވޭ ކަމަށެވެ.

ކުރިއަށް އޮތް 24 ގަޑިއިރުވެސް ރާއްޖޭގެ އެކި ކަންކޮޅުތަކަށް ބޯކޮށް ވިއްސާރަ ކުރަމުންދާނެކަމަށް ކަމަށް މެޓް އޮފީހުން މިއަދު ވަނީ ބުނެފަ އެވެ.