މޫސުން ގޯސްވެ ކަނޑު ދަތުރުފަތުރަށް ހުރަސްއެޅުމުގެ ސަބަބުން ހދ. މަކުނުދޫ އިން ކާޑުގެ ބާވަތްތައް ހުސްވެ ނުލިބޭތާ ހަފްތާއެއް ވެފައިވާ ކަމަށް އެރަށު ކައުންސިލުން ބުނެފި އެވެ.
މަކުނުދޫ ކައުންސިލްގެ ނައިބު ރައީސް އިބްރާހިމް ވިދާޅުވީ އެރަށުގެ ކާޑުގެ ބާވަތްތައް ހުސްވެ، ހަނޑޫ، ހަކުރު އަދި ފުށް ހުސްވެފައިވާ ކަމަށާއި ރަށުގެ އެއްވެސް ފިހާރައަކުން މިހާރު ގަންނަން ނުލިބޭ ކަމަށެވެ. އަދި އެކަމުގެ ސަބަބުން ރަށުގެ ގިނަ ބަޔަކަށްދަތިތަކާ ކުރިމަތިވާކަމަށް އޭނާ ވިދާޅުވި އެވެ.
ކުރިން ކުޅުދުއްފުށިން މުދާ ގެންނަ ފެރީވެސް ކަނޑު ގަދަވުމުގެ ސަބަބުން މިދުވަސްވަރު ދަތުރު ނުކުރާ ކަމަށް ވަހީދު ވިދާޅުވި އެވެ. އަދި މާދަމާ މާލެއިން ފުރަން ހަމަޖެހިފައިވާ ބޯޓު މޫސުން ގޯސްނަމަ ނުފުރާނެ ކަމަށްވެސް އެނާ ވިދާޅުވި އެވެ.
މީގެ ކުރިން ކުޅުދުއްފުށިން ވެސް މުދާ ގެންނަކަމަށާއި އެހެންނަމަވެސް މޫސުން ގޯސްވުމުން ފެރީގެ ހިދުމަތް މެދުކަނޑާލާފައި އޮންނަތާ ދުވަސްކޮޅެއް ވެފައިވާ ކަމަށް އޭނާ ވިދާޅުވި އެވެ.
މަކުނުދޫގައި 1600 ހާ މީހުންގެ އާބާދީއެއް އޮވެއެވެ. އަދި ޖުމްލަ 12 ފިހާރަ ހުރެއެވެ.
ވާދަވެރި ކުޅުމަކަށްފަހު ޕެނަލްޓީގައި ޒިގްޒެގް ބަލިކޮށް ކަނޑިތީމު ފައިނަލަށް
ކައުންސިލްތަކުގެ ބާރު ހަނިކުރުމާއެކު ކަނޑިތީމުގެ ތަރައްގީގެ މަސައްކަތްތައްވެސް ހުއްޓިއްޖެ!
މޮޅު ކުޅުމަކާއެކު ކަނޑިތީމު ބަލިކޮށް އެއްވަނައިގައި މަގުލަސް ސެމީއަށް
ޖަޕާނުގެ އެހީގައި ބޮޑު މުހައްމަދު ކަލޭފާނު ބަނދަރުގައި ސީސީޓީވީ ކެމެރާ ހަރުކޮށް ނިންމުން ފާހަގަކޮށްފި
