ސަރުކާރުގެ ރަސްމީ ގަޑި 2-8 ބަދަލުކޮށްފި

ސަރުކާރުގެ ރަސްމީ ގަޑިއަށް މާދަމާ އިން ފެށިގެން ބަދަލު ގެނެސްފި އެވެ.

މި ބަދަލާ ގުޅިގެން ސަރުކާރުގެ އޮފީސް ތައް މާދަމާ އިން ފެށިގެން ހުޅާވާފައި ހުންނާނީ ހެނދުނު 8:00 އިން މެންދުރުފަހު 2:00 އަށެވެ.

ސަރުކާރުގެ މިހާރުގެ ރަސްމީ ގަޑިއަކީ ހެނދުނު 8:00 އިން މެންދުރުފަހު 3:00 އަށެވެ.

ސަރުކާރުގެ ރަސްމީ ގަޑިއަށް ބަދަލު ގެނައުމަށް ނިންމީ މިއަދު ބޭއްވި ކެބިނެޓް ބައްދަލުވުމުގައި މިމައްސަލާގައި މަޝްވަރާކުރުމަށްފަހު އެވެ.

ރައީސް އޮފީހުން މިކަމުގައި އަދި ވަކި އެއްޗެއް ބުނެފައި ނުވިނަމަވެސް ރައީސް އޮފީހުން މިކަމާ ގުޅިގެން މިއަދު ބަޔާނެއް ނެރޭނެ ކަމަށްވެސް ވަނީ މައުލޫމާތު ލިބިފަ އެވެ.