ހދ އަތޮޅު ކައުންސިލުން އިސްނަގައިގެން ލޭ ހަދިޔާ ކުރާ މީހުންގެ ދަފުތަރެއް ހުޅުވުނީ

ހދ އަތުޅު ކައުންސިލުން އިސްނަގައިގެން ލޭ ހަދިޔާ ކުރާމީހުންގެ ދަފުތަރެއް އޮންލައިންކޮށް ހުޅުވުމަށް ހަމަޖެހިއްޖެ އެވެ.

ހދ އަތޮޅު ކައުންސިލްގެ ރައީސް ހުސެން ޝަގީފް ވިދާޅުވީ މިކަމަށް ބޭނުންވާ ވެބްސައިޓް ފަރުމާ ކުރުމުގެ މަސައްކަތް ކުރިޔަށް ދާ ކަމަށާއި އަންނަ ހަފްތާޔަށް މި މަސައްކަތް ނިންމާލެވޭނެ ކަމަށެވެ. އަދި މި ދަފްތަރުގައި ރަޖިސްޓްރީ ކުރުމުގެ ފުރުސަތުވެސް އަންނަ ހަފްތާ ހުޅުވާލެވޭނެ ކަމަށްވެސް ޝަގީފް ވިދާޅުވިއެވެ.

މިމަސައްކަތަކީ ހޮސްޕިޓަލާ ގުޅިގެން ކުރެވޭ ކަމެއް ކަމަށާއި އެގޮތުން ކައުންސިލުން މިހާރު ހޮސްޕިޓަލާ މަޝްވަރާކުރެވެމުން ދާކަމަށްވެސް ރައީސް ވިދާޅުވިއެވެ.

ޝަގީފު އިތުރަށް ވިދާޅުވީ މި ދަފުތަރު ހުޅުވުމުގެ މަގުސަދަކީ ކުޅުދުއްފުއްޓާއި އަތޮޅުތެރޭގައި ތިބި ލޭ ހަދިޔާ ކުރަން ބޭނުންވާ ފަރާތްތަކަށް ވީހާވެސް ފަސޭހައި ހަދިޔާކުރުމުގެ މަގު ހުޅުވިގެން ދިޔުން ކަމަށެވެ.