ބާރަށު އަންހެނަކު ވަޅަކަށް ވެއްޓި މޭ ކަށިގަނޑަށް ބޮޑެތި އަނިޔާތަކެއް ވެއްޖެ

Oct 8, 2015

ދަނޑުގައި ގަސްތަކަށް ފެން ޖެހުމަށް ހަދާފައި ހުރި “ފެން ވަޅަކަށް” އުމުރުން ދުވަސްވީ އަންހެނަކު ވެއްޓި އޭނާގެ މޭ ކަށިގަނޑަށް ވަރަށް ބޮޑަށް އަނިޔާ ވެއްޖެ އެވެ.

ބާރަށުން ވާހަކަ ދެއްކި މީހަކު ބުނީ އޭނާ ވަޅަށް ވެއްޓިފައިވަނީ އިއްޔެ ހެނދުނު ގަސްތަކަށް ފެންދިނުމަށް ދަނޑަށް ގޮސް އުޅެނިކޮށެވެ.

“ކުޅުދުއްފުށި އޮންލައިނަށް” މައުލޫމާތު ދެއްވަމުން ކުޅުދުއްފުށީ ހޮސްޕިޓަލްގެ އިންފޮމޭޝަން އޮފިޝަލް ހަސަން ހުސެއިން ވިދާޅުވީ އަނިޔާ ވެގެން ގެނައި މީހާގެ މޭ ކަށިގަނޑަށް ބޮޑެތި އަނިޔާތަކެއް ވެފައިވާ ކަމަށެވެ. އެގޮތުން އޭނާގެ މޭ ކަށިގަނޑު ގިނަ ތަންތަނުން ބިންދައިގެން ގޮސްފައިވާ ކަމަށް އޭނާ ވިދާޅުވި އެވެ.

ބަލިމީހާގެ ހާލު މިއަދު “ސްޓޭބަލް” ކަމަށާއި އިތުރު ފަރުވާއަށް މިއަދު އޭނާ މާލެ ފޮނުވާލާނެ ކަމަށް ހަސަން ވިދާޅުވި އެވެ.

66 އަހަރުގެ މިއަންހެން މީހާ ކުޅުދުއްފުށީ ހޮސްޕިޓަލަށް ގެންގޮސްފައިވަނީ އިއްޔެ ހެނދުނު 10 ގަޑި ބައި އެހާއިރު އެވެ.

މިލިޔުމާއި ގުޅޭ